ლალი ჩხიკვაძე

ასეთი რამ ხდება ვარჯიშის დროს. ხშირად მარცხნივ, ნეკნებქვეშ ტკივილის მიზეზი შეიძლება იყოს:

• ნაწლავის დაავადებები;
• თირკმელში კენჭი;
• პანკრეატიტი;
• სპლენომეგალია (ელენთის გადიდება).

გულის დაავადებების, მაგალითად, სტენოკარდიის დროს ტკივილი შეიძლება ნეკნებს ქვემოთ გადავიდეს.

მუცლის ქვედა ნაწილში ტკივილი ხშირად აღინიშნება დივერტიკულიტის დროს. ეს არის ნაწლავის კედელში მცირე ზომის „ჩანთების“ ანთება. ამ მიდამოს ტკივილი შეიძლება გამოიწვიოს:

• მეტეორიზმმა და ნაწლავის სხვა დაავადებებმა;
• შარდგამომყოფი გზების კენჭებმა და ინფექციებმა;
• თიაქარმა;
• სასქესო სისტემის დაავადებებმა.

ტკივილი გულის არეში

ამის მიზეზი მხოლოდ გულის დაავადებები როდია:

საჭმლის მომნელებელი სისტემის დაავადებები: გასტროეზოფაგური რეფლუქსი, პეპტიკური წყლული, ნაღველკენჭოვანი დაავადება, პანკრეატიტი;კუნთებისა და ძვლების დაავადებები: ნეკნების ქონდრიტი, მიალგია, ნეკნების მოტეხილობა;სასუნთქი სისტემის დაავადებები: ფილტვის არტერიის ემბოლია, პლევრიტი;ნევროლოგიული დაავადებები: პანიკური შეტევა, ნეკნთაშუა ნევრალგია.

ტკივილის კონკრეტული მიზეზის დადგენას მხოლოდ ექიმი შეძლებს. აუცილებლად უნდა მივმართოთ სასწრაფო სამედიცინო დახმარებას, თუ გულმკერდის არეში წარმოქმნილი ტკივილი:

• გადაეცემა ხელზე, ზუგრზე, კისრისკენ ან ყბისკენ;თან ახლავს ქოშინი, ოფლიანობა და გულისრევა;გრძელდება 15 წუთზე მეტხანს;
• თან ახლავს გულმკერდზე მოჭერის ან სიმძიმის შეგრძნება.

ეს შეიძლება იყოს გულის შეტევა, ამიტომ ადამიანი სასწრაფაოდ უნდა გადაიყვანონ საავადმყოფოში.