შეიძლება თუ არა აბაზანის მიღება ჭამის დასრულებისთანავე?
ჰიპერთერმიული ზემოქმედება სასარგებლოა, რადგანაც: ასტიმულირებს იმუნურ სისტემას, ადუნებს ნერვულ სისტემას, ასტიმულირებს ოფლის ჯირკვლებს და გამოდევნის ტოქსინებს.
თუმცა, ჭამის შემდეგ ორგანიზმის ტემპერატურა ასევე იზრდება, რადგანაც ორგანიზმი სისხლის გაძლიერებულ ნაკადს აწვდის საჭმლის მომნელებელ ორაგნოებს, ამიტომ ჭამის დასრულებისთანავე ცხელმა შხაპმა ან აბაზანამ შეიძლება გაზარდოს გულის ცემის სიხშირე, რაც დისკომფორტის მომტანი იქნება.
მტკივნეული შეგრძნებების, მუცლის არეში სპაზმის განვითარების ალბათობა იზრდება, თუ მიღებული საკვები შეიცავს დიდი რაოდენობით ცილას, უჯრედისს, ცხიმებს ან რაფინირებულ ნახშირწყლებს. თუმცა მსუბუქი ვახშმის შემდეგ, შხაპის მიღება დისკომფორტს ნაკლებად გამოიწვევს.
ცალსახად იმის თქმა, რომ ცხელი შხაპი ორგანიზმისთვის მავნეა, არ შეიძლება, მაგრამ თავის დაზღვევის მიზნით, უმჯობესია გრილი ან თბილი შხაპის მიღება.
გრილი შხაპი არ მოუმატებს სხეულის ტემპერატურას და არ შეამცირებს სისხლის მოდინებას საჭმლის მომნელებელი ორგანოებისაკენ. ბონუსის სახით გრილი შხაპი გააძლიერებს მეტაბოლიზმს.
საჭმლის მონელების ბუნებრივი პროცესის დარღვევის თავიდან ასაცილებლად, 20 წუთის შემდეგ შეგვიძლია მივიღოთ შხაპი სიამოვნებით და კომფორტულად.