თათია მარტიაშვილი

ხსნის გულძმარვას

ბოლოდროინდელი კვლევებით დასტურდება, რომ ალოე ვერას წვენი ეფექტურია გულძმარვის დროს. ის სიმპტომებს მნიშვნელოვნად ამცირებს და დისკომფორტის შეგრძნებას ასუსტებს.

შეკრულობა

ალოე ვერა შეიცავს ისეთ ნივთიერებებს, რომლებსაც საფაღარათო მოქმედება აქვთ. ალოეს წვენი ნაწლავის მოძრაობას უწყობს ხელს და ყაბზობას შველის.

გაღიზიანებული ნაწლავის სინდრომი IBS

გაღიზიანებული ნაწლავის სინდრომის დროს ნაწლავში ანთებითი პროცესი მიმდინარეობს, რაც ტკივილს და დისკომფორტს იწვევს.

ალოე ვერას ანთების საწინააღმდეგო ეფექტი აქვს, რის გამოც ანთებას ამცირებს. კვლევები აჩვენებს, რომ ყოველდღიურად ალოე ვერას წვენის მიღება, IBS სიმპტომებს შესამჩნევად აუმჯობესებს.

რა თქმა უნდა, საჭიროა უფრო მყარი და მეტი მტკიცებულება, რომ ალოეს წვენი IBS სამკურნალოდ ეფექტური საშუალებაა.

მოქმედებს, როგროც ანტიოქსიდანტი

ალოე ვერას ანტიოქსიდანტური მოქმედება აქვს, რაც თავისუფალ რადიკალებთან ბრძოლაში გვეხმარება.

თავის მხირვ, თავისუფალი რადიკალები ორგანიზმში ოქსიდაციურ სტრესს იწვევენ, რაც ადრეულ დაბერებას და სხვადასხვა ქრონიკულ დაავადებას აპროვოცირებს.

ალოე ვერას წვენს შეუძლია ისეთი დაავადებების თავიდან აცილებაში დაგვეხმაროს, როგორებიცაა: დიაბეტი, გულის დაავადებები და კიბოც კი.

აუმჯობესებს ნერვებისა და კუნთების მუშაობას

ალოე მდიდარია მაგნიუმით, რაც სასიცოცხლოდ მნიშვნელოვანი ელემენტია კუნთებისა და ნერვების ჯანსაღი ფუნქციონირებისათვის.

მაგნიუმი 300-ზე მეტ ფერმენტულ რეაქციას უწყობს ხელს, არეგულირებს გულის რიტმს და არტერიულ წნევას.

ხელს უწყობს კანის სისუფთავეს

ალოე ვერა აკნეს უხდება, ის გამონაყარს ამცირებს, ასევე ეფექტურია ფსორიაზის და ეგზემას სამკურნალოდაც.

არეგულირებს სისხლში შაქრის დონეს

მკვლევარები ვარაუდობენ, რომ დიაბეტი ტიპი 2-ის დროს ალოე ვერას წვენს სისხლში შაქრის დონის დარეგულირება შეუძლია.

თუმცა, დიაბეტით დაავადებულებმა აუცილებლად უნდა მიმართონ ექიმს. ალოე ვერას წვენი შაქრის დონის შესამცირებლად ეფექტური მხოლოდ სამკურნალო მედიკამენტებთან ერთად არის.

ჯანმრთელი თვალები

ალოე ვერა ანტიოქსიდანტ ბეტა-კაროტინს შეიცავს, რომელიც სასარგებლოა თვალებისთვის. ბეტა-კაროტინი თვალის ბადურას და რქოვანას იცავს.