როგორ გავიუმჯობესოთ მეხსიერება და ყურადღების კონცენტრაციის უნარი კოვიდის გადატანის შემდეგ
უცხოელ ექიმებს მიაჩინათ, რომ კოგნიტიური ფუნქციების გაუმჯობესებაში მნიშვნელოვანია საკვები.
ლუთეოილინის შემცველი პროდუქტები სასარგებლოა
ლუთეოილინს შეიცავს პიტნა, სალბი, კვლიავი, წიწაკა, ოხრახუში, ნიახური, ლიმონი და არტიშოკი. მექსიკური ხმელი ორეგანო, მცირედით განსხვავებული ჩვეულებრივისაგან მინერალური ნივთიერებების რაოდენობით - ლუთეოილინის ერთერთი საუკეთესო წყაროა.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
კვლევებმა აჩვენა, რომ ფლავონოიდი და ანტიოქსიდანტი ლუთეოილინი ამცირებს ყურადღების გაფანტულობას და ზრდის კონცენტრაციის უნარს.
ანთების საწინააღმდეგო მოქმედების პროდუქტები
მათი რაციონში ჩართვა ორგანიზმში ამცირებს ანთებით პროცესებს, რომელიც სხვადასხვა დაავადების მიზეზი შეიძლება გახდეს. ეს ნიშნავს, რომ რაციონში რაც შეიძლება მეტი ხილი, ბოსტნეული და ომეგა-3 ცხიმოვანი მჟავები უნდა ჩავრთოთ. ამ უკანასკნელს შეიცავს თევზი, სელის თესლი, ნიგოზი და ზეითუნის ზეთი.
სტაფილო, პომიდორი, ბროკოლი, ისპანახი ასევე შეიცავენ ძლიერმოქმედ ანთების საწინააღმდეგო საკვებ ნივთიერებებს, ანტიოქსიდანტებს და პოლიფენოლებს.
С ვიტამინის და ფოლის მჟავას შემცველი პროდუქტები აუცილებელია
ქრონიკული დაღლილობის სინდრომის მქონე ადამიანებს, ჩვეულებრივ აღენიშნებათ С ვიტამინისა და ფოლის მჟავას ნაკლებობა. ამიტომ მათი მაღალი შემცველობის პროდუქტები რაციონის მნიშვნელოვანი შემადგენელი უნდა იყოს. С ვიტამინს შეიცავს: ციტრუსები, კივი და წითელი ბულგარული წიწაკა. ფოლის მჟავა უხვადაა ისპანახში, სალათის ფურცლებსა და კომბოსტოში.
ყავა და მწვანე ჩაიც ეფექტურია
კვლევამ აჩვენა, რომ ყავის ზომიერად მოხმარება ეხმარება ტვინს მუშაობაში. ყავა მდიდარია პოლიფენოლებით. მწვანე ჩაი შეიცავს ანტიოქსიდანტებს. ის ასევე სასარგებლოა კონცენტრაციის და ყურადღების გასაუმჯობესებლად.
