საშიშია თუ არა ძაღლის კოცნა
ძაღლის პირში ცხოვრობს ასობით სხვადასხვა ტიპის ბაქტერია და მცირე რისკი დაავადების გადაცემისა არსებობს.
ბაქტერია Pasteurella ცხოვრობს ზოგიერთი ძაღლის და კატის პირის ღრუში და წარმოადგენს ერთერთ გავრცელებულ პათოგენს, რომლითაც შეიძლება დასნებოვნდნენ ადამიანები.
შინაური ცხოველების კოცნამ შეიძლება გამოიწვიოს ინფექცია ღია წყლულთან ან ჭრილობასთან კონტაქტისას.
ისეთი პარაზიტები როგორიცაა ლამბლია ან კრიპტოსპორიდიუმები გადამდებია, რადგანაც ძაღლის განავალშია. და თუ დასნებოვნებული ძაღლი გაილოკავს საკუთარ სხეულს და შემდეგ ადამიანს სახეს აულოკავს, შეიძლება ადამიანი დასნებოვნდეს. პარაზიტული კისტების რაოდენობა, რომელიც ალოკვით შეიძლება გადავიდეს ბევრი არ არის, მაგრამ საშიშროება არსებობს.
ზოგიერთი ადამიანის დაავადების რისკი მეტია, მაგალითად: ჩვილების, შაქრიანი დიაბეტით დაავადებულების, ონკოლოგიური პაციენტების, ანუ იმ პირების ვისაც დაქვეითებული აქვს იმუნიტეტი. რისკის ქვეშ იმყოფებიან ორსულები, ხანდაზმული ადამიანები და სახეზე ღია წყლულების მქონე პირები.
სერიოზული დაავადების განვითარების რისკი ცხოველის კოცნისას ნაკლებია, მაგრამ მედიკოსები გვირჩევენ ოთხფეხა მეგობრების მიმართ ჩვენი სითბო სხვაგვარად გამოვხატოთ. ცხადია ჩვენი ფუმფულა მეგობრები გვიყვარს, მაგრამ გარკვეული შეზღუდვები მათთან ურთიერთობისას უნდა დავიცვათ.