პირველი დახმარება ბენზინით მოწამვლისას - მკურნალი.გე

რუბრიკები

ოჯახის მკურნალის ანონსი

ივლისი 2019

კითხვა-პასუხი

პირველი დახმარება ბენზინით მოწამვლისას

პირველი დახმარება ბენზინით მოწამვლისას
ბენზინის ზოგიერთ სახეობას ანტიდეტონატორის სახით ამატებენ ეთილის სითხეს, რომელიც მნიშვნელოვანი რაოდენობით შეიცავს საკმაოდ მომწამვლელ ტეტრაეთილტყვიას (მეტალოორგანული შენაერთი). ეთილირებული ბენზინი ძალიან სახიფათოა ჯანმრთელობისა და სიცოცხლისათვის. ბენზინი და მისი აირები სწრაფად შეიწოვება ფილტვებსა და საჭმლის მომნელებელ ტრაქტში. ორგანიზმიდან მათი გამოყოფა ძირითადად სასუნთქი გზებითა და ნაწილობრივ შარდით ხდება. მოწამვლა (ინტოქსიკაცია) ვითარდება კუჭში, კანზე მოხვედრისას და ინჰალაციისას (შესუნთქვისას). ტეტრაეთილტყვია ახდენს ფსიქოტროპულ და ნეიროტროპულ მოქმედებას, რომელსაც საფუძვლად უდევს ცენტრალური ნერვული სისტემის ძლიერი აგზნება. სამწუხაროდ, ბენზინის მომწამვლელი კომპონენტები თავისა და ზურგის ტვინში გროვდება (დეპონირდება).

რა ხდება
ბენზინის აირთა შესუნთქვისას

ბენზინის აირთა შესუნთქვისას ვითარდება თავბრუსხვევა, თავის ტკივილი, თრობის შეგრძნება, აგზნება, გულისრევა, ღებინება. მძიმე შემთხვევაში - სუნთქვის დარღვევა, ცნობიერების დაკარგვა, გულყრა, პირის ღრუდან შეინიშნება ბენზინის მკვეთრი სუნი. ყველა ეს სიმპტომი ამარტივებს დიაგნოზის დასმას. ბენზინის გადაყლაპვის შემთხვევაში იწყება მუცლის ტკივილი, ღებინება, ძილის დარღვევა, ჰალუცინაცია,
ოფლიანობა, ძლიერდება ნერწყვდენა. მძიმე შემთხვევაში ვლინდება მწვავე ფსიქოზის სიმპტომები, რომლებიც ძლიერ წააგავს თრობის დროს გამოხატულ მდგომარეობას. ბენზინი და მისი აირები ახდენს ძლიერ ტოქსიკურ ზეგავლენას თირკმელებზე, რაც ზოგჯერ თირკმლის უკმარისობის განვითარებით სრულდება. გარდა ამისა, ბენზინი არღვევს სისხლის წითელი უჯრედების - ერითროციტების წარმოქმნის პროცესს.

პირველი დახმარება ბენზინით მოწამვლის დროს

დაზარალებული დაუყოვნებლივ უნდა გაიყვანოთ იმ შენობიდან, რომელიც ბენზინის აირებითაა გაჯერებული. კუჭში ბენზინის მოხვედრისას საჭიროა ორგანოს ამორეცხვა. უმჯობესია ნატრიუმის ჰიდროკარბონატის (საჭმლის სოდა) 2%-იანი ხსნარით. აირთა შესუნთქვის შემთხვევაში მაქსიმალურად უზრუნველყავით სუფთა ჰაერის მიწოდება. სასურველია, მოწამლულს ჟანგბადის ბალიშით ასუნთქოთ. სისხლძარღვოვანი უკმარისობის დროს (კოლაფსი, გულის წასვლა) კანქვეშ უნდა შეუყვანოთ 2 მლ კორდიამინი, 2 მლ 10 %-იანი კოფეინი.
ბენზინით მსუბუქი მოწამვლისას დაზარალებული არ საჭიროებს განსაკუთრებულ სამედიცინო დახმარებას. მძიმე შემთხვევისას კი აუცილებელია მოწამლულის კლინიკაში გადაყვანა. თუ დაზარალებული უგონოდაა ან სუნთქვის დარღვევა აღენიშნება, აუცილებელია მისი ხელოვნურ სუნთქვაზე გადაყვანა.

თინათინ გოცაძე

გააკეთეთ კომენტარი
კომენტარი არ გაკეთებულა
რეკომენდებული პროდუქტები
მხედველობის ხელშეწყობისთვის-60აბი
ფასი: 44.9
საშარდე სისტემის ჯანმრთელობისთვის-60 აბი
ფასი: 42.9
მხედველობის ჯანმრთელობისთვის-30აბი
ფასი: 44.9
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
დიეტოლოგია
დიეტური კვება აუმჯობესებს ნაწლავის პერისტალტიკას და უზრუნველყოფს მის დროულ დაცლას;
წონის კორექციის მსურველებს დიეტოლოგები რამდენიმე რჩევას აძლევენ - არ შეიძლება ისეთი აბებისა თუ
მკვლევარებმა შეადარეს ეფექტი, რომელსაც დაბალი და მაღალი ენერგეტიკული სიმკვრივის პროდუქტები მადასა
კატეგორიის სხვა სტატიები
მაღალმთიან დასახლებებში, რომელთა გეოგრაფიული მდებარეობის გამო სასწრაფო სამედიცინო დახმარების
ხანძრისას არა მხოლოდ ღია ცეცხლია საშიში. აალებული მასალების კვამლი ხვდება სასუნთქ გზებში და იწვევს ორგანიზმის მოწამვლას
ყველა ჩვენგანს აგვიტანია ტკივილი. ხანდახან, ძალიან დიდხანსაც. მაგრამ არსებობს ტკივილის სახეობა, რომლის მოთმენაც არ შეიძლება, რადგან მათ წარმოშობას სიცოცხლისთვის საშიში მიზეზები აქვს.
მთელს მსოფლიოში 12 სექტემბერს პირველადი სასწრაფო დახმარების აღმოჩენის დღე (World First Aid Day) აღინიშნება. 2000 წლიდან მოყოლებული, წითელი ჯვრისა და წითელი ნახევარმთვარის საერთაშორისო მოძრაობის ინიციატივით, ამ დღესთან დაკავშირებული ღონისძიებები, ყოველწლიურად, სექტემბრის მეორე შაბათს ტარდება.
საქართველოს შრომის, ჯანმრთელობისა და სოციალური დაცვის მინისტრი, დავით სერგეენკო ადასტურებს, რომ თბილისის სასწრაფო-სამედიცინო დახმარების სამსახური მნიშვნელოვანი ხარვეზებით მუშაობს.
კომა, ხატოვნად რომ ვთქვათ, მოსაზღვრე მდგომარეობაა სიცოცხლესა და სიკვდილს შორის. სიტყვა “კომა” ღრმა ძილს ნიშნავს. მედიცინაში ასე უწოდებენ უგონო მდგომარეობას, რომელიც ტვინის ფუნქციათა მოშლის შედეგია. კომა და კლინიკური სიკვდილი ხშირად ერევათ ერთმანეთში. პირველ შემთხვევაში ადამიანი უგონოდაა, მაგრამ მის ორგანიზმში სასიცოცხლო პროცესები მიმდინარეობს, მეორეში კი სიცოცხლის ნიშნები გამქრალია: ადამიანი არ სუნთქავს, არც გული უძგერს. მსოფლიო მედიცინის ისტორიამ იცის უამრავი ფაქტი, როდესაც კომურ მდგომარეობაში მყოფი, პრაქტიკულად უიმედო ადამიანი სიცოცხლეს დაბრუნებია.

ბალახეული ნაყენები: ბალახეულ ნაყენებს ორგვარად - ცხელი და ცივი მეთოდით - ამზადებენ. ცივი მეთოდი ასეთია: ნედლეულს
ბებიაჩემი გამუდმებით ჩამჩიჩინებს, რომ კანი კოსმეტიკით არ უნდა გადავტვირთო, რომ კონსერვანტები ზამთარშიც ეყოფა, ახლა კი დასვენება და ცოცხალი ვიტამინები სჭირდება. მართლა ასეა თუ არა?


ბაღი ნამდვილად ყველა სახლს დაამშვენებს. ბაღიან ეზოში დასვენება, განტვირთვა ძალიან სასიამოვნო და სასარგებლოა.
აღმოსავლელი მკურნალები გვირჩევენ:

კვების სიბრძნე
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად