ჰელიოთერაპია ანტიდეპრესანტია - მკურნალი.გე

რუბრიკები

ოჯახის მკურნალის ანონსი

ოქტომბერი 2019

კითხვა-პასუხი

ჰელიოთერაპია ანტიდეპრესანტია

ჰელიოთერაპია ანტიდეპრესანტია
ულტრაიისფერი სხივები სეზონური დეპრესიის საწინააღმდეგო ნაცადი საშუალებაა. ხომ სასიამოვნოა მზეზე ნებივრობა? იცით, რატომ? იმიტომ, რომ ულტრაიისფერი სხივები ეხმარება ორგანიზმში ენდორფინების - ისეთი ქიმიური ნივთიერებების გამომუშავებას, რომლებიც ბედნიერების განცდას გვგვრის. ჰელიოთერაპია - მზის სინათლით მკურნალობა ძლევს დაღლილობას, რომელსაც მოკლე დღეები და სინათლის ნაკლებობა იწვევს. ის ეფექტურად ამაღლებს განწყობას და სასიცოცხლო ტონუსს. UV-სხივების წყალობით ორგანიზმში წარმოიქმნება D ვიტამინი, რომელიც ძვლებსა და კბილებს ამაგრებს.


სხივები - ექიმები

მზის სინათლით მკურნალობა ნაჩვენებია გულ-სისხლძარღვთა და საყრდენ-მამოძრავებელი სისტემების (ოსტეოქონდროზისა და ართრიტის), სასუნთქი ორგანოების (ბრონქიტის, რინიტის) დაავადებების დროს.
რუჯი სასარგებლოა ფსორიაზისა და აკნეს დროს, მთავარია, ზედმეტი არ მოგივიდეთ - ამ შემთხვევაში გამონაყარი გართულდება და დაავადება გამწვავდება.


ვიდგეთ თუ ვიწვეთ?

მიჩნეულია, რომ ვერტიკალური სოლარიუმი გაცილებით ჰიგიენურია, რადგან კაბინის ზედაპირს არ ეხებით, ამიტომ რუჯიც უფრო თანაბარი გამოდის, თუმცა მთელი ამ ხნის განმავლობაში ფეხზე დგომა მოგიწევთ,
მაშინ როდესაც ჰორიზონტალურ მოწყობილობაში შეგიძლიათ, ისევე კომფორტულად მოთავსდეთ, როგორც პლაჟზე. თანაც თანამედროვე სოლარიუმებს აქვს ანატომიური ზედაპირი, რომელიც სხეულის კონტურებს ემთხვევა და იძლევა თანაბარი რუჯის მიღების საშუალებას. ოღონდ დარწმუნებული უნდა იყოთ, რომ დასაწოლი ადგილი ინფიცირებული არ არის.

რუჯის აპარატი მოთავსებული უნდა იყოს მშრალ შენობაში, სადაც კარგი ვენტილაციაა. ნათურები რეგულარულად იცვლებოდეს - მათი ექსპლუატაციის ვადა 400 საათია, ამის შემდეგ ისინი უსაფრთხო აღარ არის. სოლარიუმის აკრილის მინა კი 5 წელიწადში ცვდება და მასში ცუდად აღწევს ულტრაიისფერი სხივები. კანი თანდათანობით შეაჩვიეთ რუჯს. პირველ სეანსზე 5 წუთი საკმარისია, შემდგომ კი 15 წუთს უნდა დასჯერდეთ. სოლარიუმის სეანსებს შორის ინტერვალი 3 დღეზე ნაკლები არ უნდა იყოს. ყოველი თვის შემდეგ ერთი თვე უნდა შეისვენოთ. სეანსის დროს გამოიყენეთ დამცავი სათვალე - თვალის რქოვანასთვის ულტრაიისფერი სხივები საზიანოა. თმაზე თავსაფარი უნდა წაიკრათ, თორემ თმა დაგეწვებათ, ტუჩებზე კი დამატენიანებელი ბალზამი წაისვით.


მთელი არსებით

ძნელად თუ იპოვით მკურნალობის უფრო სასიამოვნო საშუალებას, ვიდრე ცეკვათერაპიაა. ის აუმჯობესებს ნივთიერებათა ცვლას, გულ-სისხლძარღვთა და სასუნთქი სისტემების მუშაობას, აძლიერებს იმუნიტეტს, წვავს ჭარბ ცხიმს და აუმჯობესებს თვითშეგრძნებას. გარდა ამისა, რიტმული მოძრაობა ეხმარება ძვლების გამაგრებას, რაც ძალიან მნიშვნელოვანია ხანდაზმულ ასაკში, როცა ოსტეოპოროზისა და მოტეხილობის რისკი, განსაკუთრებით - ქალებთან, მკვეთრად იზრდება. ცნობილია, რომ მოცეკვავეები იშვიათად ცივდებიან და ემართებათ გრიპი. უფრო მეტიც - რეგულარული მეცადინეობა საგრძნობლად აიშვიათებს ასთმურ შეტევებს. განსაკუთრებით სასარგებლოა ცეკვა მათთვის, ვინც უარყოფით ემოციებს ვერ ერევა. ცეკვას იოლად გამოჰყავს ადამიანი დეპრესიული მდგომარეობიდან. გარდა ამისა, ცეკვა ავითარებს მოძრაობის კოორდინაციას, რიტმის გრძნობას და ხელს უწყობს კუნთური ტონუსის გაუმჯობესებას. გამოიყენეთ ეს ანტიდეპრესანტები და სეზონური დეპრესია ვერაფერს დაგაკლებთ.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
მხედველობის ჯანმრთელობისთვის -60 აბი
ფასი: 39.9
ჯანსაღი თმის შესანარჩუნებლად
ფასი: 75
მხედველობის ხელშეწყობისთვის-60აბი
ფასი: 44.9
დიეტოლოგია
კლიმაქსი (მენოპაუზა) ქალებს აშინებთ. შიშს იწვევს კლიმაქსის თანმხლები უსიამოვნო მოვლენები.
თანამედროვე ადამიანის ცხოვრების წესი ჯანმრთელობისთვის უფრო მავნე და საზიანოა. მუდმივი სტრესის, სრულფასოვანი
ამ სიაში აღმოჩნდა დაბალკალორიული ჩინური კომბოსტო, რომელიც მდიდარია კალციუმით, უჯრედისითა და
კატეგორიის სხვა სტატიები
რას ნიშნავს ღეროვანი უჯრედების ბანკი დღეს ყველა მშობელმა იცის, რომ ახალშობილის ჭიპლარის სისხლი,
აღმოსავლელი მკურნალები გვირჩევენ:

კვების სიბრძნე
კომპანია Toyota ბოლო 10 წლის განმავლობაში აქტიურად მუშაობდა რობოტიზებულ სარეაბილიტაციო სისტემაზე, რომელიც შეძლებდა ქვემო კიდურების დამბლის (პარეზის) მქონე პაციენტთა კვლავ ფეხზე დაყენებას.
სისტემამ Welwalk WW-1000 სახელწოდება მიიღო.
საქართველოში ღვინოს ოდითგანვე სულისა და სხულისთვის მარგებელ სასმელად მიიჩნევდნენ.სხვა მრავალი დანიშნულების გარდა, მას სისხლნაკლულობის, სისუსტისა და უმადობის წამლადაც იყენებდნენ. ენოთერაპიას, ანუ ღვინით მკურნალობის თემატიკას დიდი ადგილი უკავია ქართულ სამედიცინო შინაარსის ხელნაწერებში, მაგალითად, ზაზა ფანასკერტელ-ციციშვილის სამკურნალო წიგნ-კარაბადინში. 
მუსიკა ინსულტითა და პარკინსონიზმით დაავადებულებს მამოძრავებელი ფუნქციების აღდგენაში ეხმარება.
ჰომეოპათია მთელ მსოფლიოში ფართოდ გავრცელებული თერაპიული მკურნალობის მეთოდია. საყურადღებოა, რომ ორსაუკუნოვანი ისტორიის (1996 წელს სხვადასხვა ქვეყნის ჰომეოპათებმა ამ მეთოდის 200 წლის იუბილე იზეიმეს) მანძილზე მან არაერთ შემოტევასა თუ გამოცდას გაუძლო, განვითარება-სრულყოფის რთული გზა განვლო, დღეისათვის კი მისი მკურნალობის არსენალში უამრავი დაავადება შედის. მათ შორის სიმსივნური და სხვა ისეთი პათოლოგიები, რომელთა მკურნალობაშიც კლასიკური მედიცინა უძლურია. ჰომეოპათიის ძირითად პრინციპებსა და პროსტატის ადენომის მკურნალობაში მის ეფექტურობაზე გვესაუბრება საქართველოს ეკოლოგიურ მეცნიერებათა აკადემიის აკადემიკოსი, საერთაშორისო ჰომეოპათიური ლიგის წევრი, სამედიცინო ცენტრ “ნეოკლინიკის” ხელმძღვანელი სამეცნიერო დარგში, ექიმი-ჰომეოპათი კახა საბახტარაშვილი:

ხშირად კითხულობენ, ასუქებს თუ არა კარალიოკი ან შეიძლება თუ არა ხურმის ან კარალიოკის ღამით ჭამა.
ხველა ოჯახის ექიმთან მიმართვის ერთ-ერთი ყველაზე ხშირი მიზეზია როგორც მოზრდილებში, ასევე ბავშვებში.
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად