მეცნიერებმა აგრესიულ ქცევაზე პასუხისმგებელი 40 გენი აღმოაჩინეს

აგრესიის გამოვლინება ბევრ ცხოველს ახასიათებს. მას გარკვეული უპირატესობის მიცემა შეუძლია, ისეთის, როგორიცაა რესურსებთან და ტერიტორიებთან წვდომა, პრიორიტეტი გასამრავლებლად პარტნიორის არჩევისას. ესპანელმა სპეციალისტებმა ადამიანებსა და თაგვებში აგრესიული ქცევასთან დაკავშირებული 40 გენი აღმოაჩინეს.
მკვლევარებმა დაადგინეს, რომ ეს გენები მონაწილეობენ ნერვული სისტემის განვითარებაში, უზრუნველყოფენ უჯრედშორის კომუნიკაციას და მოქმედებენ ნერვული უჯრედების მუშაობაზე. აღმოჩენილი გენებიდან მრავალი შეიძლება დაკავშირებული იყოს ყურადღების დეფიციტის სინდრომთან, ბავშვების ჰიპერაქტიურობასთან და მოზრდილებში დეპრესიასთან.

მეცნიერები აღნიშნავენ, რომ აგრესიის გენები არ კორელირებენ სხვა ფსიქიკურ მოშლილობასთან, მათ შორის შიზოფრენიასა და აუტიზმთან. აგრესიულ ქცევაზე არა მარტო გენები მოქმედებს, არამედ ბევრი სხვა გარეშე ფაქტორიც. მეცნიერები განაგრძობენ დაგროვილ ინფორმაციაზე მუშაობას, რათა უკეთ გაიშიფროს აგრესიის მოლეკულური მექანიზმი.


ლალი ჩხიკვაძე