გენეტიკა - მკურნალი.გე

რუბრიკები

ოჯახის მკურნალის ანონსი

ივლისი 2020

კითხვა-პასუხი

გენეტიკა

ფარისებრი ჯირკვლის მედულარული ავთვისებიანი სიმსივნე ფარისებრი ჯირკვლის სიმსივნეთა ერთ-ერთი მემკვიდრეობითი ფორმაა. დადგენილია, რომ ამ სიმსივნის ასიდან 20-30 შემთხვევა მემკვიდრეობითია. მისი მიზეზი გენ RET-პროტოონკოგენში მომხდარი მუტაციაა. ფარისებრი ჯირკვლის მედულარული ავთვისებიანი სიმსივნე ორგვარი სახით გვხვდება: როგორც დამოუკიდებელი დაავადება, რომელსაც ოჯახური ხასიათი აქვს და როგორც მრავლობითი ენდოკრინული ნეოპლაზიის მეორე ტიპის სინდრომი. ემართებათ უმეტესად შუახნის და ხანდაზმულ, ჩვეულებრივ, 50 წელს გადაცილებულ ადამიანებს. დაავადების მემკვიდრეობითი ფორმების გამოვლენა უკანასკნელ ხანს გამარტივდა, რადგან გაჩნდა გენ RET-პროტოონკოგენის პირდაპირი მოლეკულური გენეტიკური ანალიზის ჩატარების შესაძლებლობა.
ადამიანის გენეტიკის ერთ-ერთი მნიშვნელოვანი დარგია სამედიცინო გენეტიკა, რომელიც ადამიანის მემკვიდრეობისა და ცვალებადობის კანონზომიერებებს შეისწავლის. კლინიკური გენეტიკა კი სამედიცინო გენეტიკის კერძო დარგს წარმოადგენს. მისი შესწავლის საგანია მემკვიდრეობით დაავადებათა მიზეზები, განვითარების თავისებურებები, კლინიკური გამოვლინებები, მიზანი - ამ დაავადებათა დიაგნოსტიკის, მკურნალობისა და პროფილაქტიკის გზების პოვნა. ექიმს, რომელიც სამედიცინო გენეტიკის საკითხებზე მუშაობს, ექიმ გენეტიკოსს უწოდებენ. რაც უფრო მეტად ვითარდება მედიცინა, მემკვიდრეობითი დაავადებები სულ უფრო მეტ ადგილს იკავებს ადამიანის პათოლოგიაში. ამ დაავადებათა უმრავლესობა ქრონიკულია, ამიტომ ძალიან მაღალია პაციენტთა განმეორებითი ვიზიტის მაჩვენებელი.
XX საუკუნის 30-იან წლებამდე მემკვიდრეობითი პათოლოგიების მკურნალობა უპერსპექტივო საქმედ მიიჩნეოდა. "მემკვიდრეობითი დაავადება" - ეს დიაგნოზი პაციენტისა და მისი ოჯახის წევრებისთვის განაჩენის ტოლფასი იყო. მემკვიდრეობით დაავადებათა მკურნალობაში გარდამტეხ მომენტად იქცა XX საუკუნის 30-იანი წლები. მრავალრიცხოვანმა ექსპერიმენტებმა აჩვენა, რომ სხვადასხვა გარეგანი ფაქტორის გავლენით გენები სხვადასხვანაირად "იქცევიან". ამ ფაქტების საფუძველზე გაკეთდა დასკვნა, რომ თუ გარემო გავლენას ახდენს გენთა მოქმედებაზე, მაშინ შესაძლებელია, შევამციროთ ან საერთოდ დავთრგუნოთ გენთა პათოლოგიური მოქმედება მემკვიდრეობითი პათოლოგიის დროს.
რისი თქმა შეუძლიათ ჩვენს ქრომოსომებს ჩვენ შესახებ? ამბობენ, რომ ყველა გენეტიკოსს, რომელიც ქრომოსომებში გენთა იდენტიფიცირებაზე მუშაობს, თავისი "გამორჩეული" ქრომოსომა ჰყავს. მაგალითად, ცნობილმა ბიოლოგმა და ევოლუციონისტმა დევიდ ჰეიგმა ქრომოსომებზე განლაგებული გენების თვალიერებისას წამოიძახა, რომ ყველაზე მეტად მე-19 ქრომოსომა მოსწონს, რადგან აქ ყველაზე "ანცი" გენებია თავმოყრილი. ადამიანს 30 000-მდე გენი აქვს, რომლებიც 46 ქრომოსომაზეა განაწილებული. შეუძლებელია, ყველა მათგანის შესახებ დაწვრილებით ვისაუბროთ. და მაინც, საინტერესოა, ჩვენი გენომის რომელ გენებს ვიცნობთ, რომელ ქრომოსომაზე მდებარეობს ისინი და რას გვიქადის მათი დაზიანება.
ნაჩვენებია მე-3 გვერ 8 - დან
დიეტოლოგია
ტვინისათვის სასარგებლო ბოსტნეულიდან დიეტოლოგები
ექიმი-ენდოკრინოლოგი ქეთი ასათიანის რჩევები - ორგანიზმისთვის აუცილებელი მინერალების შესახებ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
როდესაც ადამიანი დიდ დროს ატარებს საჭესთან და ფეხით ცოტას დადის, მას შეიძლება ჯანმრთელობის პრობლემები შეექმნას.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად