ნაწლავის ბაქტერიებმა შეიძლება დააქვეითოს წამლების ეფექტურობა
ეს აისახება პრეპარატის მოქმედებასა და ეფექტურობაზე. თუმცა, როგორც მეცნიერებმა დაადგინეს, ნაწლავის ბაქტერიებს გააჩნია წამლების ბიოაკუმულირების უნარი, რაც იწვევს თავად ბაქტერიების ფუნქციის ცვლილებას. პოტენციურად შეიძლება შემცირდეს პრეპარატების ეფექტურობა და გამოიწვიოს გვერდითი ეფექტები.
მეცნიერებმა ლაბორატორიაში გამოზარდეს ნაწლავის 25 ყველაზე გავრცელებული ბაქტერია და შეისწავლეს როგორ მოქმედებდნენ ისინი 15 პოპულარულ წამალზე (მათ შორის: ანტიდეპრესანტები, ანალგეტიკები, ასთმისა და დიაბეტის წამლები). მკვლევარები დადგნენ ბიოაკუმულაციის ეფექტის წინაშე. რის შედეგადაც დაქვეითდა წამლის ბიოშეღწევადობა, ანუ ორგანიზმის მიერ მისი ათვისების უნარი, რაც იწვევს ეფექტურობის შემცირებას.
ბიოაკუმულაციის პროცესის შედეგად თავად ბაქტერიების შიგნით ხდება ბიოლოგიური ცვლილებები, რაც იწვევს იმას, რომ ბაქტერიები იწყებენ სხვა მეტაბოლიტების გამომუშავებას. ეს, თავის მხრივ იწვევს ნაწლავის მიკრობიოზის სერიოზულ დისბალანსს.
როგორც მკვლევარები ვარაუდობენ, სწორედ ნაწლავის მიკრობიომის შემადგენლობაზეა (თითოეული ადამიანისთვის ინდივიდუალურია) დამოკიდებული როგორ იმოქმედებს ესა თუ ის წამალი, პრეპარატის რა დოზაა საჭირო და განვითარდება თუ არა გვერდითი მოვლენები. ეს კი მეცნიერებს აიძულებს მიკრობიომი განიხილონ როგორც ადამიანის ორგანიზმის ერთერთი ორგანო.