რატომ ვითარდება ანთება ყელში?

უმეტესად ყელის ანთების მიზეზია ხახის, ნუშურა ჯირკვლების ან ხორხის მწვავე ინფექცია. მედიცინაში ხახის ანთებას ფარინგიტი ეწოდება, ნუშურა ჯირკვლების ანთებას - ტონზილიტი, ხოლო ხორხის ანთებას - ლარინგიტი.

რა იწვევს ყელის ანთებას?

ყელის ანთება სხვადასხვა მიზეზით შეიძლება იყოს გამოწვეული. ესენია:

•    ვირუსული ინფექცია. ყელის ანთებას იწვევს მრავალი ვირუსი, რაც ეგრეთ წოდებული გაციების მიზეზია. აღსანიშნავია, რომ ზოგიერთი ცნობილი ვირუსი (მაგალითად, გრიპის, ყბაყურას, პარაგრიპის, კოქსაკის ვირუსები, მონონუკლეოზის გამომწვევი ეპშტეინ-ბარის ვირუსი) ასევე შეიძლება იქცეს ყელის ანთების მიზეზად.

•    ბაქტერიული ინფექცია. ბაქტერია იწვევს სტრეპტოკოკულ ანგინას, პერიტონზილურ აბსცესს (ჩირქგროვა ნუშურა ჯირკვლების ირგვლივ არსებულ არეში), დიფტერიულ ანგინას, ეპიგლოტიტს (ნაქის ანთება), ტონზილიტს. იშვიათად ყელის ანთების მიზეზად გვევლინება სქესობრივი გზით გადამდები დაავადებებიც (გონორეა, ქლამიდიოზი).

•    ტოქსინები, გამღიზიანებლები. მაგალითად, თამბაქოს კვამლი, მტვერი, ქიმიური ნივთიერებები (უნებლიე ან განზრახ მიღებისას), ასევე - ცხვირ-ხახაზე სეკრეტის ჩადინება, ალერგია, ხველა, გასტროეზოფაგური რეფლუქსი (კუჭის მჟავა წვენის ამოტყორცნა საყლაპავში), სიმსივნე.

•    ტრავმა, დაზიანება, უცხო სხეული, მეტისმეტად ხმამაღალი ყვირილი ან ლაპარაკი.

როგორ ვლინდება ყელის ანთება

ყელის ანთების კლინიკური სურათი გამომწვევ მიზეზზეა დამოკიდებული, თუმცა არსებობს საერთო ნიშნებიც. ესენია ყელის ტკივილი და დისკომფორტი, რომლებიც უფრო მეტად შემაწუხებელია ყლაპვის ან ლაპარაკის დროს. ზოგიერთი ყელში სიმშრალის შეგრძნებას უჩივის. ვინაიდან ყელის ანთება უმეტესად მაინც ვირუსულ, ზოგჯერ კი ბაქტერიულ ინფექციასთან არის დაკავშირებული, მას თან ახლავს შემდეგი სიმპტომები:

•    ტემპერატურის მომატება, შემცივნება;

•    გულისრევა, ღებინება;

•    მოთენთილობის, ტეხის შეგრძნება;

•    თავის ტკივილი;

•    ხველა;

•    ცხვირიდან გამონადენი ან ცხვირის გაჭედვა;

•    ყურის ტკივილი;

•    ცემინება;

•    სისუსტე;

•    უმადობა;

•    ხახისა და ნუშურა ჯირკვლების სიწითლე და შეშუპება;

•    ნუშურა ჯირკვლების არეში თეთრი ნადების არსებობა;

•    კისრის ლიმფური კვანძების გადიდება;

•    ხმის ჩახლეჩა ან შეცვლა.

მწვავე სტრეპტოკოკული ფარინგიტისა და ვირუსული ანგინის ერთმანეთისგან გარჩევა მხოლოდ კლინიკური ნიშნებით შეუძლებელია, თუმცა არსებობს სიმპტომები, რომლებიც სტრეპტოკოკული ფარინგიტის დიდ ალბათობაზე მიუთითებს. ესენია გადიდებული, შეშუპებული წითელი ნუშურა ჯირკვლები მოთეთრო ნადებით, ტემპერატურის მომატება, კისრის ლიმფური კვანძების გადიდება მაშინ, როდესაც არ შეინიშნება გაციებისთვის ტიპობრივი სიმპტომები - ცემინება, ცხვირიდან გამონადენი, ხველა. უნდა ითქვას, რომ ეს განსხვავება ყოველთვის არ არის თვალში საცემი და დიაგნოზის დასაზუსტებლად საჭირო ხდება ლაბორატორიული კვლევა. საბოლოო დიაგნოზს სვამენ ხახიდან აღებული ნაცხის ბაქტერიოლოგიური გამოკვლევით.

პირის ღრუსა და ყელის   ანთებითი თუ ინფექციური დაავადებების მედიკამენტოზური მკურნალობისას ხშირად გამოიყენება ტრახისანი.

მას გააჩნია ანტიბაქტერიული აქტივობის ფართო სპექტრი და სწრაფი ანალგეტიკური (ტკივილგამაყუჩებელი) ეფექტი. გამოყენება ნებადართულია როგორც მოზრდილებში, ასევე ბავშვებში.

ტრახისანის შემადგენლობაშია: ტოპიკური ანტიბიოტიკი (თიროტრიცინი), ანტისეპტიკი (ქროჰექსიდინი) და ანალგეტიკი (ლიდოკაინი).

თიროტრიცინი - ტოპიკური  (ადგილობრივი) ანტიბიოტიკი, რომელსაც მოქმედების ფართო სპექტრი გააჩნია. იგი არ შეიწოვება სისხლით და შესაბამისად არ ახდენს სისტემურ ნეგატიურ გავლენას ორგანიზმზე. მოქმედების განსაკუთრებული მექანიზმის წყალობით თიროტრიცინს არ ახასიათებს რეზისტენტობა.

ქლორჰექსიდინი - ფართო სპექტრის ანტისეპტიკური საშუალებაა, რომელიც მოქმედებს როგორც გრამდადებით, ასევე გრამუარყოფით მიკროორგანიზმებზე.

ლიდოკაინი- ყველაზე ხშირად გამოყენებადი ადგილობრივი ტკივილგამაყუჩებელი საშუალებაა რომელსაც ბევრი უპირატესობა გააჩნია სხვა ანალგეტიკებთან შედარებით (მაგ. ნოვოკაინთან).

აქტიური კომპონენტების წყალობით, ტრახისანს გააჩნია სამმაგი მოქმედება. ანტიბაქტერიული და ანტისეპტიკური თვისებით  იგი მოქმედებს ძირითად გამომწვევებზე, რომლებიც იწვევენ ანთებით პროცესებსა და ინფექციურ დაავადებებს პირისა და ყელის ღრუში, ხოლო ლიდოკაინის მეშვეობით გააჩნია სწრაფი ტკივილგამაყუჩებელი ეფექტი.

ტრახისანის ეფექტურობა და უსაფრთხოება დამტკიცებულია კლინიკური კვლევებით.

•    პაციენტების 70%-მა აღნიშნა, რომ ტრახისანის მიღებიდან 15 წთ-ში შემცირდა ტკივილის შეგრძნება ყელში.

•   ტრახისანის მიღება ნებადართულია მოზრდილებსა და ბავშვებში 4 წლიდან.

პრეპარატზე დამატებითი ინფორმაციისათვის ეწვიეთ გვერდს ფეისბუქზე ან დარეკეთ ნომერზე 032 261 46 88