როგორ მოვამზადოთ პიტნის ან ტარხუნის სიროპი
05.09.2015
ამ მეთოდით შეგიძლიათ მოამზადოთ როგორც პიტნის, ისე ტარხუნის სიროპი, რომელსაც გამოყენების წინ თქვენი გემოვნებით გააზავებთ წყალში.
მასალა
პიტნა (ტარხუნა) – 1 წილი
წყალი - 2 წილი
შაქარი - 1 წილი
მომზადება
პიტნის (ტარხუნის) ფოთლები ქორფა ღეროებიანად დავნაყოთ ან გავატაროთ ხორცსაკეპში, დავასხათ ორჯერ მეტი მდუღარე წყალი, ვიდრე პიტნაა (ტარხუნაა), დავახუროთ ხუფი, შევფუთოთ თბილად, გავაჩეროთ მეორე დღემდე, შემდეგ კი გავწუროთ. გამონაწური წვენის თითოეულ ჭიქას დავაყაროთ თითო ჭიქა შაქარი და ვადუღოთ ორთქლზე, წამოდუღებიდან 5-10 წუთის განმავლობაში. ცხელივე ჩავასხათ ბოთლებში და შევინახოთ გრილ ადილას.
