როგორ მოვამზადოთ არაჟანი
ინგრედიენტები:
რძე - 1 ლიტრი;
კეფირი- 4 სუფრის კოვზი.
მომზადების წესი:
რძე აადუღეთ და გააციეთ 36-40 გრადუსამდე. გადაასხით ლიტრიან ქილაში, დაუმატეთ 4 სუფრის კოვზი კეფირი, დაახურეთ ხუფი, შეფუთეთ და დატოვეთ 5-8 საათის განმავლობაში. ქილის დახრისას შედედებული რძე ქილის კედლებიდან ძნელად უნდა სცილდებოდეს.
თუშფალანგზე დააფინეთ 2 ფენა მარლის ქსოვილი და გადმოასხით შედედებული რძე, დაახურეთ სარქველი და შედგით მაცივარში 8 საათის განმავლობაში.
ამის შემდეგ არაჟანი გადაგვაქვს ბლენდერში, და თუ ფიქრობთ რომ ძალიან სქელი გამოგივიდათ შეგიძლიათ დაამატოთ რძე, ათქვიფეთ არაჟანი ერთგვაროვანი მასის მიღებამდე, გადაიტანეთ ქილაში და დატოვეთ მთელი ღამის განმავლობაში.
ლალი ჩხიკვაძე