ჟურნალის რედაქცია

პიცა მოხარშული ძეხვით

საჭიროა:

* 300გ პიცის ცომი;

* 200გ ყველი;

* 150გ ძეხვი;

* 600გ პომიდორი;

* მაიონეზი, ზეთი, მარილი, პი­ლპილი გემოვნებით.

მოზილეთ ცომი, გა­აბრ­ტყელეთ და ჩააფ­ინეთ ფორმაში. მოაყ­არეთ გახეხილი ყველი, შემდეგ - წვრილად და­ჭრილი ძეხვი, ზემოდან მოაწყვეთ პომიდორი, მოაყარეთ მარილი, პილპილი, მო­ასხით მაიონეზი და ზეთი. აცხვეთ 220 გრადუსზე 20-30 წუთის განმავლობაში.

ნეაპოლური პიცა

საჭიროა:

• 300გ ცომი;
• 200გ ყველი;
• 500გ პომიდორი;
• 5 ცალი სარდელი;
• 1-2ს/კ ზეთი;
• მარილი, წითელი ან შავი პილპილი - გემოვნებით.

მზა ცომი ჩააფინეთ ფორმაში, მოუსვით ზეთი, მოაყარეთ წვრილად დაჭრილი ან გახეხილი ყველი, ზემოდან მოაწყვეთ კანგაცლილი, დიდ ნაჭრებად დაჭრილი პომიდორი, გრძლად დაჭრილი სარდელი, მოაყარეთ მარილი, პილპილი, მოასხით დარჩენილი ზეთი. აცხვეთ ღუმელში საშუალო ცეცხლზე, 20-30 წუთის განმავლობაში.

სპაგეტი კონიაკით

საჭიროა:

• 400გ სპაგეტი;
• 80გ ლორი;
• 1 ცალი ვაშლი;
• 250გ არაჟანი;
• 1 თავი ხახვი;
• 1ს/კ ფქვილი;
• 1 სირჩა კონიაკი;
• 100გ კარაქი;
• მარილი, პილპილი - გემოვნებით.

ქვაბში გაადნეთ კარაქი, დაამატეთ ფქვილი, დაჭრილი ხახვი, წვრილად დაჭრილი ვაშლი, მოუმატეთ ცეცხლს და შუშეთ 15 წუთის განმავლობაში. დაასხით კონიაკი, დაელოდეთ, სანამ აორთქლდება, შემდეგ დაამატეთ არაჟანი, მოურიეთ და გადმოდგით ქურიდან. სოუსი მზადაა. მოხარშეთ სპაგეტი მარილწყალში, გაწურეთ, მოასხით სოუსი და მორთეთ ლორის ნაჭრებით.