დიასახლისის გვერდი
გადარჩეული, გარეცხილი ჯიჯილაყა მოათავსეთ მდუღარე მარილწყალში და ხარშეთ 25-30 წუთი. ნიგოზი, ნიორი და მარილი კარგად დანაყეთ. როცა ჯიჯილაყა მოიხარშება, გადაწურეთ, დაუმატეთ გამზადებული ნიგოზი, წვრილად დაჭრილი ხახვი და ოხრახუშის ფოთოლი, კამა, ქინძი, ტარხუნა, მარილი და კარგად აურიეთ. ორი-სამი წუთის შემდეგ ცეცხლიდან გადმოდგით და ცხელი მიიტანეთ სუფრაზე.
მოშუშული ნაცარქათამა
საჭიროა: ნაცარქათამა - 1 კგ; ცხიმი - 200 გ; მწვანილი (ქინძი, ოხრახუში, პიტნა, რეჰანი, ქონდარი), მწვანე ხახვი და მარილი - გემოვნებით. გადარჩეული, გარეცხილი ნაცარქათამა მოთუთქეთ, გააგრილეთ, გაწურეთ, დაჭერით და ჩაყარეთ შესაფერის ჭურჭელში. შეაზავეთ დაკეპილი ქინძით, ოხრახუშით, პიტნით და მოშუშეთ.
ჭინჭარი ნიგვზით
საჭიროა: ჭინჭარი - 1 კგ; ხახვი - 200 გ; ნიგოზი - 1 ჩაის ჭიქა; ჭინჭრის ნახარში - 2-3 სუფრის კოვზი; ქინძი და მარილი - გემოვნებით. გადარჩეული, გარეცხილი ნორჩი ჭინჭარი ჩაყარეთ მდუღარე მარილწყალში და მოხარშეთ. გადაიღეთ თუშფალანგში და დაწრეტა აცადეთ (ხელით გაწურვა არ არის საჭირო). ნიგოზი და მარილი დანაყეთ, დაამატეთ ჭინჭრის ნახარში, წვრილად დაჭრილი ერთი თავი ხახვი ან მწვანე ხახვი და ქინძი. ამ ნაზავით შეკაზმეთ ჭინჭარი.
სალათები
სალათა "კაპრიზი"
საჭიროა: 300 გ ბეკონი, 3 კვერცხი, 2-3 ცალი მოხარშული კარტოფილი, 3 კბილი ნიორი, 100 გ ნიგოზი, 150 გ მაიონეზი. წვრილად დაჭერით ხორცი და ჩააწყვეთ სასალათეში, მოასხით ცოტაოდენი მაიონეზი, მოაყარეთ გახეხილი მოხარშული კვერცხი და კიდევ მოასხით მაიონეზი, ზემოდან მოაწყვეთ წინასწარ შემწვარი და გაცივებული სოკო და ისევ მოასხით მაიონეზი. ამავე წესით დაამატეთ გახეხილი ყველისა და მოხარშული გახეხილი კარტოფილის ფენები, ბოლოს ისევ მოასხით მაიონეზი, მოაყარეთ გახეხილი ნიორი და დაფარეთ დაფქული ნიგვზის ფენით.
კიტრის სალათა
საჭიროა: 2 ცალი კიტრი, 1 კონა მწვანე ხახვი, 1 კონა კამა, 1-2 სუფრის კოვზი ძმარი, 1 სუფრის კოვზი შაქარი, 1 ჩ.კ. შავი პილპილი, მარილი - გემოვნებით. კიტრი დაჭერით მრგვალ ნაჭრებად, შავი პილპილი, მარილი, შაქარი და ძმარი აურიეთ ერთმანეთში და მოასხით. მოაყარეთ დაჭრილი კამა და გადაიღეთ ლანგარზე.
ბოლოკის სალათა
საჭიროა: 2 ცალი საშუალო ზომის ბოლოკი, 1-2 კიტრი, 1 კონა კამა, 2 კბილი ნიორი, არაჟანი ან კეფირი მოსასხმელად. ბოლოკი გაასუფთავეთ და გახეხეთ. კიტრი პატარა ნაჭრებად დაჭერით, ნიორი დანაყეთ და შეურიეთ მოსასხმელად გამზადებულ არაჟანს ან კეფირს. კიტრი და ბოლოკი ერთმანეთში აურიეთ, დაამატეთ წვრილად დაჭრილი კამა და მოასხით ნივრით შეზავებული არაჟანი ან კეფირი.
სოკოს სალათა
საჭიროა: სოკოს მარინადი, 100-150 გ ლორი, 2 ცალი კარტოფილი, 1 თავი ჭარხალი, 1 ვაშლი, 100 გ მაიონეზი, 3-4 სუფრის კოვზი ზეითუნის ზეთი, 2 ჩ.კ. ძმარი, 1 ჩ.კ. მდოგვი, 1 კონა ნიახური, ნახევარ-ნახევარი კონა ოხრახუში და კამა, მარილი და წიწაკა - გემოვნებით. ზეთი, ძმარი და მდოგვი ჩაასხით ღრმა ჭურჭელში და ათქვიფეთ მიქსერით. ათქვეფილ მასას დაამატეთ წვრილად დაჭრილი მწვანილი. მოხარშეთ კარტოფილი და ჭარხალი, პატარა კუბებად დაჭერით და ჩაყარეთ ჯამში, დაამატეთ დაჭრილი სოკოს მარინადი, ლორი და გახეხილი ვაშლი. შეაზავეთ მარილით, წიწაკითა და მაიონეზით.