ნანა კალანდაძე

გარდა იმისა, რომ ამ მეთოდის გამოყენება თმას აძლიერებს და ანიჭებს ბზინვარებას, ხელს უწყობს ჭაღარების დაფარვასაც.

ინგრედიენტები:

2 ს/კ დაფქული ყავა.

2 ჭიქა ადუღებული წყალი.

საფეხურები:

ჩვენ გაჩვენებთ, თუ როგორ უნდა გააკეთოთ ბუნებრივი ყავის საღებავი მარტივად და სწრაფად.

მოადუღეთ ყავა, გააცივეთ, მიღებული მასა გადაწურეთ ბადეში და ჩაასხით პულვერიზატორიან ბოთლში.

დაიბანეთ თმა და შეისხურეთ ყავის ნაყენი ჭაღარებზე.

შეიზილეთ თმის ძირებშიც და დაიხურეთ შხაპის ქუდი (ან პოლიეთილენის პარკი შემოიხვიეთ). გაიჩერეთ 30 წუთის განმავლობაში.

ჩამოიბანეთ ყავა ცივი ან ნელთბილი წყლით და გაიშრეთ თმა. ეს პროცედურა კვირაში ერთხელ გაიმეორეთ.

გამოიყენეთ ღია ფერის თმი­სთვის განკუთვნილი შამპუნი.

როგორ გავაკეთოთ მყარი შამპუნი სახლის პირობებში

ბაზარზე შეგიძლიათ იპოვოთ შამპუნების ფართო არჩ­ევანი. ისინი, ჩვეულებრივ, შეიცავს დიდი რაოდენობით ქიმიკატებს, რომლებმაც შეიძლება დააზიანოს თმა (გრძელვადიან პერსპექტივაში). იმისათვის, რომ მეტი არ დახარჯოთ და გამოიყენოთ 100%-ით ნატურალური ინგრედიენტები, წარმოგიდგენთ რეცეპტს, რომელიც საშუალებას მოგცემთ გააკეთოთ ალოე ვერას შამპუნი ბუნებაში ერთ-ერთი ყველაზე სასარგებლო სუკულენტის გამოყენებით. იგი თქვენს თმას ბზინვარებას შესძენს.

დაგჭირდებათ:

150 მლ მინერალური წყალი.

როზმარინის 1 ღერო.

ალოე ვერას ფოთლები.

ლიმონის წვენი და ნუშის ზეთი (თითოეული – 2 სუფრის კოვზი).

1/2 კგ გლიცერინი.

საფეხურები:

ამოიღეთ მთელი რბილობი ალოე ვერას ფოთლებიდან. შემდეგ აურიეთ რბილობი და როზმარინის ღერო, სანამ არ მიიღებთ გელის მსგავს კონსისტენციას. საჭიროების შემთხვევაში შეგიძლიათ დაამატოთ ცოტა წყალი. მოგვიანებით გახეხეთ გლიცერინი და შეინახეთ მომდევნო გამოყენებისთვის. ალოე ვერას და როზმარინის ნარევი მოათავსეთ ქვაბში, დაამატეთ გლიცერინი და რამდენიმე წუთის შემდეგ ლიმონის წვენი და ზეთი. აურიეთ და დატოვეთ ცეცხლზე ერთგვაროვანი კონსისტენციის მიღებამდე. დასასრულს, დაასხით ნარევი იმ ფორმის კონტეინერში, რომელიც ყველაზე მეტად მოგწონთ და დატოვეთ იქამდე, სანამ არ გამაგრდება.

როგორ გამოვიყენოთ იგი:

თხევადი შამპუნისგან განსხვავებით, ეს პროდუქტი უნდა შეიზილოთ ხელებში, სანამ აქაფდება და შემდეგ წაისვით თმაზე. დაფარეთ სკალპის ყველა კუთხე. წასმის შემდეგ მნიშვნელოვანია, რომ გააჩეროთ 3-5 წუთის განმავლობაში, რათა დატენიანდეს და გამოკვებოს თმა. დასასრულს ჩამოიბანეთ წყლით. დარწმუნდით, რომ შამპუნის ცხიმიანი ნარჩენები არ დაგრჩებათ.

5 მიზეზი, თუ რატომ არ უნდა გადააგდოთ გამოყენებული ჩაის პაკეტები

თუ ერთჯერად ჩაის პაკეტებს იყენებთ, არ იჩქაროთ მათი გადაგდება. თქვენ შეგიძლიათ სასარგებლო გამოყენება მოიფიქროთ.

საფეხურები:

დაღლილი/შეშუპებული თვალებისთვის.

თუ დილით გაღვიძებისას შეამჩნევთ, რომ თვალები დასიებული გაქვთ, მეორადი ჩაის პაკეტები დაგეხმარებათ პრობლემის მოგვარებაში.

როგორ გავაკეთოთ:

გამოყენებული ჩაის პაკეტები გააშრეთ და რამდენიმე წუთით შედეთ საყინულეში. გაცივებული პაკეტი დაიდეთ თვალების ქვეშ 5-10 წთ-ით. გაიმეორეთ ყოველდღე და შედეგიც არ დააყოვნებს.

სახის კანის მოვლა

ჩაის პაკეტი ასევე შეგიძლიათ გამოიყენოთ კანის მოვლის დამატებით საშუალებად, კანის გასაუმჯობესებლად.

როგორ გავაკეთოთ:

მოიშორეთ მაკიაჟი. გასუფთავებული კანი გაიხეხეთ ჩაის პაკეტით. ჩაი სახეზე უნდა გაიჩეროთ 5 წთ. შემდეგ ჩამოიბანეთ თბილი წყლით და წაისვით ტონიკი.

ტყავის ნაწარმის დამუშავება

ტყავის ნაწარმი, მიუხედავად გამძლეობისა, განსაკუთრებულ მოვლას მოითხოვს. სათანადო მოვლის შემთხვევაში მას შეუძლია მრავალი წლის განმავლობაში შეინარჩუნოს პრეზენტაბელური გარეგნობა. თუ ამას გვიან მიხვდით და ტყავის ნაწარმმა პირვანდელი სახე დაკარგა, საკმარისია ზედაპირი ჩაის პაკეტით დაამუშაოთ, შემდეგ კი წმენდის პროცესი დაასრულოთ ნებისმიერი ქსოვილის დახმარებით.

სუნის აღმოფხვრა

ნახმარი ჩაის პაკეტი ასევე დაგეხმარებათ უსიამოვნო სუნის მოშორებაში. მაგალითად, უსიამოვნო სუნის აღმოსაფხვრელად, რომელიც შეიძლება სუფთა მაცივარშიც კი დაგროვდეს, თითოეულ თაროზე უნდა მოათავსოთ 1-2 ჩაის პაკეტი. უფრო ძლიერი ეფექტისთვის შეგიძლიათ დაამატოთ ფორთოხლის კანი და დარიჩინი.

ჩაის პაკეტები და აბაზანა

ჩაის პაკეტების გამოყენება შესაძლებელია აბანოშიც. აღმოჩნდა, რომ ჩაი შეიცავს სასარგებლო ნივთიერებებს, რომლებიც დიდ გავლენას ახდენს სხეულის კანის მდგომარეობაზე.

რა უნდა გავაკეთოთ?

უბრალოდ დაამატეთ 2-3 ჩაის პაკეტი აბაზანაში და ისიამოვნეთ. თუ სილამაზის საიდუმლოს გამოიყენებთ ყოველი აბაზანის მიღებისას, თქვენი კანი მადლობას გეტყვით.

როგორ მოვამზადოთ სახის ნიღაბი ყაბაყისგან გლუვი კანის მისაღებად

ყაბაყი ბევრად უფრო სასარგებლოა კანისთვის, ვიდრე კიტრი. ეს ყველაფერი იმიტომ, რომ ყაბაყი 90%-ით სტრუქტურირებული წყლისგან შედგება, დანარჩენი არის ბოჭკოვანი და მიკროელემენტები. ამის წყალობით ყაბაყის ნიღბები შესანიშნავად ატენიანებს კანს, აღიავებს და ამშვიდებს.

საფეხურები:

უმარტივესი ვარიანტი:

გარეცხეთ ყაბაყი, გახეხეთ და შეახვიეთ დოლბანდში. დაიდეთ სახეზე და გაიჩერეთ 20 წუთი. ეს ნიღაბი არბილებს და შესანიშნავად ატენიანებს კანს! აღმდგენი და მკვებავი ნიღაბი შესაფერისია ნებისმიერი ასაკისთვის. ამის გაკეთება შეგიძლიათ თითქმის ყოველდღე. წაისვით თვალებზეც კი, გვერდითი მოვლენების შიშის გარეშე.

2 სუფრის კოვზი გახეხილი ყაბაყისთვის თქვენ უნდა აიღოთ 1 სუფრის კოვზი ორთქლზე მოხარშული შვრიის ფაფა. კარგად აურიეთ, სანამ არ გახდება გლუვი მასა და შემდეგ წაისვით გაწმენდილ კანზე. გააჩერეთ 15-20 წუთი, შემდეგ კი ბამბის დისკით მოაცილეთ ნიღბის ნარჩენები და ჩამოიბანეთ ცივი წყლით.

ეს ნიღაბი დაგეხმარებათ კანის სიმშრალისა და აქერცვლის წინააღმდეგ. 2 სუფრის კოვზ ყაბაყის მასას შეურიეთ 1 ჩაის კოვზი არაჟანი და 1 ჩაის კოვზი თაფლი. წაისვით გაწმენდილ სახეზე, გაიჩერეთ 15 წუთი და შემდეგ ჩამოიბანეთ თბილი წყლით.

საშუალო ზომის ყაბაყი გაფცქვენით, გახეხეთ წვრილ სახეხზე. ისევ და ისევ დაგჭირდებათ მხოლოდ 2 სუფრის კოვზი მასა. ყაბაყს დაუმატეთ 1 სუფრის კოვზი ხორბლის ფქვილი, კვერცხის გული, 1 ჩაის კოვზი თაფლი, ნაღები და ცოტაოდენი ატმის ზეთი. ეს უკანასკნელი იყიდება აფთიაქში და იაფია.

გაფრთხილება:

გთხოვთ გაითვალისწინოთ, რომ ნიღაბი უნდა აურიოთ მხოლოდ საათის ისრის მიმართულებით. წაისვით ნიღაბი მომზადებისთანავე, რადგან არ შეიძლება დიდხანს შენახვა.