გენერალური საგაზაფხულო დალაგება იაპონური მეთოდით
მარი კონდოს წიგნი – „მაგიური დალაგება. ცხოვრებასა და სახლში წესრიგის დამყარების იაპონური ხელოვნება“ – დალაგებას უფრო აადვილებს. ალბათ, ეს ყველაზე მარტივი მეთოდია უწესრიგობის დასამარცხებლად.
ამ სტატიაში მოგითხრობთ, როგორ უნდა დაალაგოთ სახლი და იპოვოთ ჰარმონია ცხოვრებაში.
დალაგება მარი კონდოსთან ერთად
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
იაპონური მეთოდით დალაგება სახლის ყოველდღიურ ლაგებას არ გულისხმობს. ყოველდღიურად ცოტ-ცოტა ლაგების მეთოდი არ მუშაობს. საჭიროა, კარგად განეწყოთ და გადალაგებას ისე შეუდგეთ. მარი კონდოს საამისოდ თავისი მეთოდები აქვს.
პირველი პუნქტი სამზარეულოს დალაგებას ეხება, რომლის დროსაც მხოლოდ იმ ნივთებს იტოვებთ, რომლებსაც სიხარული მოაქვთ. დაყავით ნივთები კატეგორიებად და მათ შეფასებას შეუდექით. სამზარეულოდან ზედმეტი ნივთებისა და ნაგვის მოშორებას სულ სამი ნაბიჯი აქვს.
ნივთები კატეგორიებად დაყავით და არა განთავსების ადგილების მიხედვით. ნაბიჯ-ნაბიჯ გადაარჩიეთ ყველაფერი. მაგალითად, ხანგრძლივი მოხმარებისა და შენახვის ნივთები: მაკარონი, ხილი, კონსერვები, ფქვილი, სანელებლები, ჩაი, ყავა – და ყველაფერი, რაც მაცივარში ინახება. ისინი ერთად შეკრიბეთ.
ჯერ მათი ვადა შეამოწმეთ, შემდეგ გათავისუფლდით ყველაფრისგან, რაც არ ვარგა, ან რის გამოყენებასაც აღარ გეგმავთ.
ახლა კი დარჩენილი პროდუქტი სპეციალურ კონტეინერებში გადაანაწილეთ შესანახად. მიუთითეთ ვადებიც. ნივთები თავ-თავიანთ ადგილებზე მოათავსეთ – სახეობების მიხედვით. სასურველია ვერტიკალური განაწილების მეთოდი გამოიყენოთ. მარი კონდოს თქმით, ის სტაფილოსაც კი ვერტიკალურად ინახავს, მაცივრის სასმლის შესანახ განყოფილებაში.
ჭურჭლის სორტირება მარი კონდოს მიხედვით
სამზარეულოს ნივთების მეორე კატეგორია – ჭურჭელი და ჭიქებია. ოჯახური ტრადიციის მიხედვით, ჩვენ მიჩვეული ვართ ბევრი ჭურჭლის შენახვას. თუმცა თუ აღარ იყენებ, რა საჭიროა შენახვა?! თუ დაგჭირდებათ, მას იოლად შეიძენთ. მარი კონდოს მეთოდის უმთავრესი პრინციპია: მოიშორე ყველაფერი, რასაც არ იყენებ! გამოუსადეგარი ჭურჭელი, ზემდეტი ჭიქები, დაბზარული თეფშები, ნაჩუქარი სერვიზები – რომლებსაც, ალბათ, არასდროს გამოიყენებთ.
ქვაბების დალაგება
კიდევ ერთი კატეგორია – ეს საკვების მოსამზადებელი და შესანახი ნივთებია: ქვაბები, ტაფები, ჩაიდნები, კონტეინერები, საწურები, დოქები, ვაზები, წყლის ფილტრი და ა.შ. ეს ნივთები გადაალაგეთ და ზედმეტები მოიშორეთ: ის, რასაც არ იყენებთ, რამდენიმე გაქვთ, ან ნივთები, რომლებიც დიდად არ მოგწონთ. მათი დანახვისას დასვით 2 კითხვა: ეს ნივთი სიამოვნებას მანიჭებს? როდის გამოვიყენე ბოლოს? ეს ორი კითხვა ძალიან დაგეხმარებათ!
ჭურჭელი კატეგორიებად შეინახეთ. ერთნაირი ფორმის ნივთები ერთმანეთში ჩაალაგეთ. შენახვაში დამატებითი, დასაკიდი თაროები დაგეხმარებათ, რომელთა საშუალებით ჭურჭელს ჭერის სიმაღლეზე შეინახავთ.
კარგი იქნება, თუ ქვაბს დროდადრო მშრალი მარილით გაწმენდთ. მარილით წმენდის შემდეგ ისინი გამდინარე წყალში გაავლეთ და მზეზე დადგით გასათბობად. ეს ჭურჭლის დადებით ენერგეტიკას ინარჩუნებს.
ჩვენი წინაპრები ჭურჭელს გარეთ აშრობდნენ. ამაში ღრმა აზრია ჩადებული: ანტიმიკრობულ ზემოქმედებასთან ერთად, მზე ჭურჭლის ენერგეტიკას აძლიერებს და ნეგატიურ ენერგიას ხსნის. ეს, ერთი შეხედვით, უმნიშვნელო ქმედება ჯანმრთელობას ამყარებდა, აუმჯობესებდა ცხოვრებას და ამცირებდა დეპრესიას.
ჭურჭლის დალაგებისას კარადის სრული სიმაღლე გამოიყენეთ. ყველაფრის თაროებზე დასამაგრებლად ბევრი დასაკიდი ორგანაიზერი არსებობს.
დაბოლოს: მოახერხეთ სამზარეულოს ორგანიზება, ნივთები ისე განალაგეთ, როგორც მოგწონთ. წესრიგის გარდა, მნიშვნელოვანია ისეთი გარემო შექმნათ, სადაც საჭმლის მომზადება თქვენთვის სიამოვნება იქნება.
გირჩევთ, არ დაინანოთ და მარტივად მოიშოროთ ის ნივთები, რომლებიც თქვენში ნეგატიურ მოგონებებს და ემოციებს იწვევს. გადატვირთული გარემო ყურადღებას ფანტავს და ვეღარ კონცენტრირდებით იმაზე, რაც ცხოვრებაში მართლაც მნიშვნელოვანია. როგორც კი ადამიანი ზედმეტისგან გათავისუფლდება, მას უჩნდება ძალა და შთაგონება – მოაგვაროს საკითხები, რომლებიც დიდი ხნის წინ გადადო და მათთვის დრო არ რჩებოდა.
