სასარგებლო სალათები - მკურნალი.გე

რუბრიკები

ოჯახის მკურნალის ანონსი

ოქტომბერი 2020

კითხვა-პასუხი

სასარგებლო სალათები

სასარგებლო სალათები
ჯანმრთელობა რომ დავიბრუნოთ და შევინარჩუნოთ, აუცილებელია სწორი კვება. უნდა ვიცოდეთ, რომელი პროდუქტი რას შეიცავს, რა რგებს და რამ შეიძლება ავნოს ჩვენს ორგანიზმს. ცნობილია, რომ სასარგებლოა ახალი ბოსტნეული, მწვანილი. კარგი იქნება, თუ ყოველდღიურ რაციონში ჩავრთავთ სალათებს.


კიტრის სალათა

საჭიროა: 2 ცალი კიტრი, 1 კონა მწვანე ხახვი, 1 კონა კამა, 1-2 სუფრის კოვზი ძმარი, 1 სუფრის კოვზი შაქარი, 1 ჩაის კოვზი შავი პილპილი, მარილი. კიტრი დავჭრათ თხელ, მრგვალ ნაჭრებად, შავი პილპილი, მარილი, შაქარი და ძმარი ავურიოთ ერთმანეთში და მოვასხათ დაჭრილ კიტრს, მოვაყაროთ დაჭრილი
კამა და მწვანე ხახვი, გადავიღოთ ლანგარზე.


სალათა „კაპრიზი“

საჭიროა: 300 გ ბეკონი, 3 კვერცხი, 400 გ ქამა სოკო, 250 გ მაგარი ყველი, 2-3 ცალი მოხარშული კარტოფილი, 2 კბილი ნიორი, 100 გ ნიგოზი, 150 გ მაიონეზი. წვრილად დავჭრათ ხორცი და ჩავაწყოთ სასალათეში, მოვასხათ ცოტა მაიონეზი, მოვაყაროთ
გახეხილი მოხარშული კვერცხი და კიდევ ცოტა მაიონეზი მოვასხათ. ასე ფენა-ფენა ვაწყობთ შემწვარ, გაციებულ სოკოს, გახეხილ ყველს, მოხარშულ კარტოფილს და ვასხამთ მაიონეზს, ბოლოს ვაყრით დაჭყლეტილ ნიორს და ვფარავთ დაფქული ნიგვზის ფენით.


სოკოს სალათა


საჭიროა: სალათის ფოთლები, 1 ცალი პომიდორი, 100 გ საქონლის სუკი, 100 გ ქამა სოკო, მაიონეზი, სოიის სოუსი. ხორცი და სოკო ერთად მოვშუშოთ მზესუმზირას ზეთში, ქურიდან გადმოდგმამდე 2-3 წუთით ადრე დავუმატოთ სოიის სოუსის ნახევარი, მეორე ნახევარი კი მაიონეზში გავაზაოთ. პომიდორი გავჭრათ ორად. ნახევრისგან გავაკეთოთ ვარდი, მეორე ნახევარი კი კიდევ 4 ნაწილად გავჭრათ. სალათის ფოთლებს მოვასხათ მაიონეზი და ზედ დავაწყოთ მოშუშული ხორცი და სოკო. შუაში მოვათავსოთ პომიდვრის ვარდი, პომიდვრის დანარჩენი ნაჭრები გვერდებზე მოვუწყოთ.


სალათა სიმინდით


საჭიროა: სალათის ფოთლები, 300 გ ლორი, 3 ცალი კიტრი, 3 ცალი პომიდორი, 2 ცალი ბულგარული წიწაკა, 300 გ გახეხილი სულგუნი, 4 ცალი მოხარშული კვერცხი, პატარა ქილა დაკონსერვებული სიმინდი, პატარა ქილა დაკონსერვებული ბარდა, ნახევარი ქილა უკურკო ზეთისხილი, მაიონეზი, მარილი, პილპილი. თეფშზე დავაფინოთ სალათის ფოთლები, ზედ დავაწყოთ დაჭრილი კიტრი და პომიდორი, მოვაყაროთ მარილი, პილპილი, დაჭრილი ბულგარული წიწაკა, მოვასხათ მაიონეზი, მოვაყაროთ გახეხილი ყველის ნახევარი, დავამატოთ კუბებად დაჭრილი ლორი, დარჩენილი ყველი, გარშემო შემოვუწყოთ მოხარშული დაჭრილი კვერცხი. შუაში დავაწყოთ ზეთისხილი, მოვაყაროთ სიმინდის მარცვლები და ბარდა.


სალათა ბულგარული წიწაკითა და ხორცით

საჭიროა: 150 გ წითელი ბულგარული წიწაკა, 150 გ მწვანე ბულგარული წიწაკა, 150 გ ხახვის თავი, 150 გ საქონლის სუკი, ლავაში, ორეგანო (ე.წ. თეთრი რეჰანი). ყველაფერი ერთად მოვშუშოთ მზესუმზირას ზეთში, შევაზაოთ ორეგანოთი, მარილით და შავი პილპილით.


ბროკოლის სალათა

საჭიროა: 1 თავი ბროკოლი, 1 კონა მწვანე სალათა, 3 ცალი მოხარშული კვერცხი, 4 ცალი პომიდორი, 2 ცალი კიტრი, მარილი; საწებლისთვის - 1 კონა ოხრახუში, 5 სუფრის კოვზი ზეითუნის ზეთი, 50 გ ყველი, 2 სუფრის კოვზი ძმარი, მარილი, შაქარი, შავი პილპილი. ბროკოლი გავრეცხოთ და დავანაწევროთ, 5-6 წუთით ჩავყაროთ მდუღარე მარილწყალში, გადავწუროთ და მოვხარშოთ. სალათის ფოთლები, პომიდორი და კვერცხი დავჭრათ მსხვილ ნაჭრებად, კიტრი - თხლად. ეს ყველაფერი ჩავყაროთ ჯამში. წვრილად დავკეპოთ ოხრახუში, დავუმატოთ ძმარი, მარილი, შავი პილპილი, შაქარი, ზეითუნის ზეთი, ავურიოთ, მოვასხათ დაჭრილ პროდუქტებს და მოვაყაროთ გახეხილი ყველი.
გააკეთეთ კომენტარი
კომენტარი არ გაკეთებულა
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
სამზარეულოს ღრუბელი, სახლში, ერთერთი ყველაზე საშიში და ჭუჭყიანი საგანია.
ბინას, მის მოწყობასა და ესთეტიკას, სივრცის განაწილებას, ქალების უმრავლესობისთვის დიდი მნიშვნელობა აქვს. ბინის მორთულობა არა მხოლოდ ლამაზი, ფუნქციურიც უნდა იყოს, მოხერხებულ და მყუდრო ატმოსფეროს ქმნიდეს.
ბაღი ნამდვილად ყველა სახლს დაამშვენებს. ბაღიან ეზოში დასვენება, განტვირთვა ძალიან სასიამოვნო და სასარგებლოა.
გაზაფხული – მკვეთრი ფერებისა და სურნელოვანი ყვავილების დროა არა მხოლოდ ბუნებაში, არამედ ყოველ სახლში.
ფანჯრის წმენდა უსაფრთხოდ ეს მეთოდები განსაკუთრებით საყოფაცხოვრებო ქიმიურ საშუალებაზე ალერგიის მქონე ქალებს გამოადგებათ:
ხშირად ისეც ხდება, რომ ჩვეულებრივ დიასახლისებს კი არა, გამოცდილ შეფ-მზარეულებსაც კი უფუჭდებათ კერძი:
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად