რჩევები დიასახლისებს - მკურნალი.გე

რუბრიკები

ოჯახის მკურნალის ანონსი

თებერვალი 2019

კითხვა-პასუხი

რჩევები დიასახლისებს

რჩევები დიასახლისებს
* ბლენდერის გასასუფთავებლად ჩაასხით მასში თბილი წყალი, დაუმატეთ თხევადი საპნის რამდენიმე წვეთი და 2-3 წუთით ჩართეთ. გამორთეთ და თბილი წყალი გამოავლეთ. აი, თქვენი ბლენდერი გაქათქათდა.
* რბილ იატაკზე ლაქების მოსაშორებლად ერთმანეთში შეურიეთ სოდა და წყალი. უნდა მიიღოთ ფაფისებური მასა. წაუსვით დალაქავებულ ადგილს, დატოვეთ მთელი ღამით, დილით კი მტვერსასრუტით გაწმინდეთ.
* შეაგროვეთ მინის ნამსხვრევები, ნამსხრევების ხელით აკრეფა რომ არ შეიძლება, ეს ყველამ იცის, ამიტომ, მათ ასაკრეფად თეთრი პურის გული გამოიყენეთ.


mkurnali.geგააახლეთ ავეჯი


ტყავის ავეჯის გაახლებაში ფეხსაცმლის კრემი დაგეხმარებათ. წაუსვით ნაკაწრებში და ისინი
გაქრება.


გაასუფთავეთ ჭურჭლის სარეცხი მანქანა


მანქანის ზედა თაროზე მოათავსეთ ძმრიანი ჭიქა, ჩართეთ უმაღლეს ნიშნულზე. შემდეგ ფსკერზე მოაყარეთ სოდა და კვლავ ჩართეთ მანქანა.


ახლა გაზქურას მივხედოთ


ცივ გაზქურაში მთელი ღამით მოათავსეთ ფიალა, რომელიც ნახევრად სავსე იქნება ამიაკით. დილით შედეგი გაგაოცებთ.

მატრასის სწრაფი გაწმენდა მისასხურებელში ჩაასხით არაყი
(სპირტი), თანაბრად შეასხურეთ მთელ მატრასს და მზეზე გაიტანეთ გასაშრობად. ალკოჰოლი გაანადგურებს ცუდი სუნის გამომწვევ ყველა მიკრობს.

  • თუ სტუმრების წასვლის შემდეგ ოთახი თამბაქოს სუნით გაიჟღინთა, გააღეთ ფანჯრები და რამდენიმე ადგილას სველი პირსახოცი ჩამოკიდეთ.
  • ზეთის საღებავის სუნს ოთახიდან სწრაფად განდევნით, თუ ოთახში, რამდენიმე ადგილას, მარილის ფიალებს დადგამთ.
  • მინის ჭურჭელს ქიმიური საშუალებების გარეშეც კარგად გარეცხავთ, თუ თბილ წყალში გახსნილ მარილს ან სოდას გამოიყენებთ.
  • თუ სამზარეულოში ცუდი სუნი დგას, გახურებულ გაზზე ლიმონის ან ფორთოხლის ცედრა დადეთ, ან ცოტა მარილი მოაბნიეთ.
  • ჩვეულებრივი სარეცხი ფხვნილები მათეთრებელ ნივთიერებებს შეიცავს. ამიტომ მათ ფერადი თეთრეულის გასარეცხად ნუ გამოიყენებთ, გაგიუფერულებთ.
  • საცურაო კოსტიუმი ყოველი გამოყენების შემდეგ სარეცხ მანქანაში დამცავი რეჟიმით გარეცხეთ, რადგან მარილიანმა და ქლორიანმა წყალმა, აგრეთვე, კანის ცხიმმა შეიძლება გააფუჭოს ქსოვილის ტექსტურა.
  • გარეცხვის წინ ფერად თეთრეულს ნუ ჩაალბობთ.
  • სინთეტიკური, შალის, ბამბისა და აბრეშუმის ქსოვილები ცალ-ცალკე უნდა გარეცხოთ.
  • ოქროს სამკაულები საპნიანი წყლით და რბილი ჯაგრისით ფრთხილად დაამუშავეთ. განსაკუთრებით - შესაკრავის ადგილი.
  • ოქროს სამაჯურს, ძეწკვს ადვილად გარეცხავთ, თუ ბოთლში საპნიან წყალს ჩაასხამთ, მასში ჯაჭვებს ჩაუშვებთ და რამდენჯერმე ენერგიულად შეანჯღრევთ. პროცედურის დასრულების შემდეგ ოქროს სამკაულები რბილი პირსახოცით უნდა შეამშრალოთ.
  • თვლიან ბეჭდებში ყველაზე მეტი მტვერი თვლის ქვეშ გროვდება. ამიტომ ასანთის ღერზე თხლად დაახვიეთ ბამბა, გლიცერინში დაასველეთ და თვალი ორივე მხრიდან აკურატულად გაწმინდეთ. შემდეგ ნატით ან რბილი ნაჭრით გაამშრალეთ. არავითარ შემთხვევაში არ გაწმინდოთ თვალი წვეტიანი ან ბასრი საგნით.
  • თუ არ გსურთ, რომ ბეჭდის თვლებმა ბზინვარება დაკარგოს, ხელების დაბანამდე მოიხსენით ისინი.
  • ვერცხლის სამკაულები საპნიანი წყლით გარეცხეთ, რბილი ქსოვილით შეამშრალეთ და ჯინსის ნაჭრით გააპრიალეთ.
  • ბიჟუტერიამ დიდხანს რომ გაგიძლოთ, მოარიდეთ წყალს; ახალს უფერული ფრჩხილის ლაქი გადაუსვით, რათა თავისი ფერი დიდხანს შეინარჩუნოს.
  • მარგალიტი (ნატურალურიც და ხელოვნურიც) სხვა სამკაულებისგან ცალკე შეინახეთ, რათა გაკაწვრისგან დაიცვათ. ხელოვნური მძივები ნატის ქსოვილით დაამუშავეთ. გახსოვდეთ, რომ ნატურალური მარგალიტი წელიწადში ერთხელ მაინც უნდა დაშალოთ, სათითაოდ გაწმინდოთ და ისევ აასხათ ძაფზე.
  • სპილოს ძვლისა და ქარვის სამკაულები თბილი წყლით გარეცხეთ. ხის სამკაულებს არ რეცხავენ. მათ ან ნაჭრით წმენდენ, ან რბილი ჯაგრისით ასუფთავებენ. თუ სახეზე ან ხელებზე კრემი გისვიათ, არასდროს მოიხვედროთ ხის სამკაული კანზე, მას ცხიმის კვალი დააჩნდება.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
ჯანსაღი თმის შესანარჩუნებლად
ფასი: 75
მხედველობის ჯანმრთელობისთვის-30აბი
ფასი: 44.9
საშარდე სისტემის ჯანმრთელობისთვის-60 აბი
ფასი: 42.9
მხედველობის ხელშეწყობისთვის-60აბი
ფასი: 44.9
მსგავსი სიახლეები
როგორ დავარბილოთ ხორცი უხეში და ბებერი ხორცის დარბილების უამრავი მეთოდი არსებობს. მაგალითად,
05-07-2018
საკვები პროდუქტის შეძენისას ხშირად ვაკვირდებით წარმოების თარიღსა და ვადას. თუმცა არსებობს უამრავი
07-11-2018
* სარკე იპრიალებს, თუ წყალში ცოტაოდენ ლილას შეურევთ. მისი გაპრიალება ჩაის ნაყენითაც შეიძლება.
05-04-2018
დიეტოლოგია
მაღალცხიმიანი და დაბალნახშირწყლოვანი დიეტა - LCHF: გახდომა სიამოვნებით - ეს დიეტა წვავს ცხიმებს.
არტერიულ ჰიპერტენზიასთან ბრძოლაში დიდი მნიშვნელობა აქვს ცხოვრების ჯანსაღ წესსა და რაციონალურ კვებას.
ექიმები დიდი ხანია ეძებენ უსაფრთხო დიეტას მოხუცებულთათვის, რომელიც უზრუნველყოფს ჭარბი წონის
კატეგორიის სხვა სტატიები
გინდათ, თქვენს სამზარეულოში ჭურჭელი ახალივით გამოიყურებოდეს?
ქართული საახალწოლო სუფრის კერძები ნიგვზის გარეშე წარმოუდგენელია, ამდენად განსაკუთრებით
რეკლამის მიხედვით ჭურჭლის სარეცხი თანამედროვე საშუალებები კრემზე უკეთ ატენიანებს კანს და ამარაგებს
საკვები პროდუქტის შეძენისას ხშირად ვაკვირდებით წარმოების თარიღსა და ვადას. თუმცა არსებობს უამრავი
გემ­რი­ე­ლი ყვე­ლის არ­ჩე­ვა არც ისე იოლი საქ­მეა. "პა­ლიტ­რა­ნი­უ­სის" გა­და­ცე­მა "არ­ცოდ­ნა აკ­რძა­ლუ­ლია" იმ
ბებიების ოქროს რჩევები! ეს პატარა, საყოფაცხოვრებო ხრიკები გენიალობამდე მისული სიმარტივით გაგაოცებენ და,
ამერიკელმა მეცნიერმა და ექიმმა ბროდა ოტო ბარნსმა ენდოკრინოლოგიაში ჩატარებულ საინტერესო კვლევებზე დაყრდნობით აღმოაჩინა, რომ
სპეციალისტები არაერთხელ ამტკიცებდნენ, რომ სოციალური ქსელები იწვევს დეპრესიას, აქვეითებს ძილის ხარისხს, თვითშეფასებას.
იაპონიაში, ყველა მოქალაქე 40-დან 75 წლამდე, ვალდებულია წელის გარშემოწერილობის ზომა განისაზღვროს.
„ბოროტების ერთ-ერთი გამოვლინებაა აბორტი, როდესაც მკვლელობას მანიპულაცია ეწოდება, მკვლელს – დამსახურებული ექიმი, – ამის შესახებ