სახლში არსებული 5 შესაძლო საფრთხე
შევისუნთქავთ. ყველაზე ხშირად მტვრის ტკიპა ასთმის მაპროვოცირებელია. მტვერზე ალერგიული რეაქციის თავიდან ასაცილებლად, აუცილებელია ბინის რეგულარული განიავება. ჰაერის მომატებული ტენიანობა სახიფათოა ალერგიული ადამიანებისთვის და ხელს უწყობს მტვრის ტკიპის გამრავლებას.
საყოფაცხოვრებო ქიმია
სარეცხი საშუალებებით ჩვენ ვცდილობთ ბაქტერიების განადგურებას, თუმცა ისინი მთლად უსაფრთხო როდია. მეცნიერებმა აღმოაჩინეს, რომ სახლში არსებული ქიმიკატების კვალმა შეიძლება გამოიწვიოს ჰორმონული დარღვევები, რეპროდუქციული პრობლემები, ბავშვების განვითარებასთან დაკავშირებული სირთულეები, იმუნიტეტის დაქვეითება და კიბოს განვითარებაც კი. ამ შედეგების თავიდან ასაცილებლად, სასურველია მტვრის რეგულარული გადაწმენდა და ბინის განიავება, ასევე საყოფაცხოვრებო ქიმიის ჩანაცველბა უფრო ეკოლოგიური საშუალებებით.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სასიამოვნო სურნელი
არომატული სანთლების ფილტრები შეიცავს ჯანმრთელობისთვის საშიშ ტყვიას. ასეთი სანთლის დიდხანს წვისას, ტყვიის კონცენტრაცია ჰაერში უსაფრთო ნორმას აჭარბებს. მეცნიერები გვაფრთხილებენ, რომ არომატული სანთლებითა და ჩხირებით გატაცება ზრდის კონტაქტური დერმატიტის, ასთმის, ონკოლოგიური დაავადებების განვითარების ალბათობას.
ოთახის მცენარეები
ისინი არა მარტო ალამაზებენ გარემოს, არამედ სასარგებლოც შეიძლება იყოს. მაგალითად ალოეს ხშირად იყენებენ ხალხურ მედიცინაში გაციებისა თუ კანის დაავადებების სამკურნალოდ. თუმცა, ვიდრე ოთახის ამა თუ იმ მცენარეს გახარებას გადაწყვეტთ, შეისწავლეთ მისი თვისებები - პოტენციური ტოქსიურობა, ალერგიულობა. მცენარეებთან ნებისმიერი კონტაქტის შემდეგ დაიბანეთ ხელი და ნუ გამოიყენებთ ოთახის მცენარეების ფოთლებს, ყვავილებს და სხვა ნაწილებს წამლის სახით.
ობი
ყველა სახლში არის ობი, მაგრამ პრობლემატური მაშინ ხდება, როდესაც იგი დიდი რაოდენობითაა. ობის სპორებზე ყველაზე გავრცელებული რეაქცია ალერგიაა. ის შეიძლება გამოვლინდეს სურდოთი, თვალების სიწითლით, ხველით, ყელის ჩახეხილობით, კანის გაღიზიანებით.
ყურადღებით ადევნეთ თვალი ობის ზრდას მომატებული ტენიანობის ადგილებში, მაგალითად აბაზანაში, პირსაბანში, ნიჟარაში, სარეცხ მანქანაში, კონდიციონერებში. შეეცადეთ დროულად მოაშოროთ იგი. რეგულარულად გაანიავეთ ბინა, განსაკუთრებით, აბაზანა და სამზარეულო.
ლალი ჩხიკვაძე
