როდის ვიხმაროთ იოდი და რა შემთხვევაში ბრილიანტის მწვანე
* იოდი აშრობს დამუშავებულ ქსოვილებს და გადაჭარბებული ხმარებისას შეიძლება მათი დამწვრობა გამოიწვიოს. ამიტომ მას იყენებენ ნაკაწრების დამუშავებისას, ჭრილობის ირგვლივ ქსოვილებზე დეზინფექციის მიზნით და იმ შემთხვევებში, როდესაც კანის შეშრობაა აუცილებელი.
გარდა ამისა, იოდს იყენებენ ყოველთვის, როდესაც რბილი ქსოვილებისაკენ სისხლის მოდინების სტიმულაციაა აუცილებელი - პირველ რიგში სხვადასხვა დაჟეჟილობისა და დაჭიმულობისას. ამ მიზნით დაზიანებული კანის ზედაპირზე უსვამენ „იოდის ბადეს“.
* ბრილიანტის მწვანე - ისეთივე ანტისეპტიკია, მაგრამ უფრო სუსტი და რბილი. ის მსუბუქად ასტიმულირებს ჭრილობის შეხორცებას და არ აშრობს კანს. დიდი ზომის დაზიანებული ზედაპირი, ასევე მგრძნობიარე კანი (მაგალითად პატარებში), ბრილიანტის მწვანით უნდა დამუშავდეს და არა იოდით.
ლალი ჩხიკვაძე