ფუტკრის რძე უნიკალური მკურნალია
რთული ქიმიური შედგენილობის გამო ის მეფუტკრეობის პროდუქტებს შორის ერთ-ერთი ყველაზე მდიდარი და ძვირფასი პროდუქტია. შეიცავს 110 სხვადასხვა დასახელების ნაერთს. ორიგინალურ კომპონენტთა შემცველობის წყალობით წარმოადგენს ძლიერ ბიომასტიმულირებელ, მატონიზებელ და ზოგადგამაჯანსაღებელ სითხეს.
დამწვრობებისა და ძნელად შეხორცებადი ჭრილობების სამკურნალოდ
აღნიშნული ჭრილობები სასურველია თავდაპირველად ფუტკრის რძის სპირტიანი ხსნარით დაამუშავოთ, შემდეგ კი რძისა და თაფლის ნარევში დასველებული ტამპონები დაადოთ. ნარევი შეგიძლიათ გამოხდილი (დისტილირებული) წყლით ორჯერადად განაზავოთ. ტამპონები დღეში ორჯერ უნდა გამოცვალოთ. ამ პროცედურათა წყალობით ჭრილობა სუფთავდება, ეპითელური ქსოვილის ზრდა სტიმულირდება და ჭრილობაც, შესაბამისად, ხორცდება. იგივე მეთოდით რეკომენდებულია პოსტოპერაციული ნაწიბურების მკურნალობაც.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ათეროსკლეროზის წინააღმდეგ
1 ჩაის კოვზი ფუტკრის რძე თაფლისა და პროპოლისის ნარევს შეურიეთ და დღეში სამჯერ, ჭამამდე 20-25 წუთით ადრე, პირის ღრუში სრულ დადნობა-შეწოვამდე გაიჩერეთ. მკურნალობის კურსი 3 თვეს მოიცავს. ამასთან, ყოველი თვის შემდეგ 3-4 კვირიანი დასვენების შუალედების დაცვაა სასურველი. ე. წ. შუალედებში გირჩევთ ფუტკრის რძის სპირტხსნარის 10-15 წვეთი მიიღოთ დღეში სამჯერ (უმჯობესია პირში ჩაიწვეთოთ და პირდაპირ არ გადაყლაპოთ). ამ სამკურნალო-პროფილაქტიკური კურსით სისხლში ქოლესტერინის დონე საგრძნობლად ქვეითდება, სისხლის ფორმულა უმჯობესდება, არტერიული წნევა რეგულირდება, ადამიანებს გულის არეში ტკივილი და სხვადასხვა სახის დისკომფორტი უქრებათ, უმჯობესდება ძილის პროცესი, მადა და მეხსიერება.
თინათინ გოცაძე
