BioNTech მალარიის პროფილაქტიკისათვის, მრნმ-ის საფუძველზე ვაქცინის შექმნას გეგმავს
გერმანულ კომპანიაში BioNTech განიხილავენ რამოდენიმე ვაქცინა-კანდიდატს, რომელთაგან ყველაზე წარმატებულები შეირჩევიან კლინიკური კვლევების ჩასატარებლად. მალარიის საწინააღმდეგო ვაქცინის შემუშავების პროგრამა კომპანიის მხრიდან COVID-19-ის საწინააღმდეგო ვაქცინის შექმნის გაგრძელება იქნება. ამას გარდა, BიოNთეცჰ გეგმავს, პრეპარატების გამოშვების მიზნით, საწარმოო სიმძლავრეების აფრიკაში განთავსებას.
მალარიასთან ბრძოლის BიოNთეცჰ-ის პროექტი "eradicate Malaria" ("მალარიის აღმოფხვრა") ინციატივის ნაწილია, რომელსაც ხელმძღვანელობს არაკომერციული, საქველმოქმედო ფონდი kENUP.
ჯანდაცვის მსოფლიო ორგანიზაციის მონაცემებით, მთელს მსოფლიოში, 2019 წელს აღინიშნა მალარიის 229 მილიონი შემთხვევა, რომელთაგან 409 ათასი ადამიანი გარდაიცვალა. განსაკუთრებით საყურადღებოა 5 წლამდე ასაკის ბავშვები. ამასთან მალარიის განსაკუთრებით ხშირი შემთხვევები ფიქსირდება აფრიკის კონტინენტზე.
აღსანიშნავია, რომ ფრანგულმა კომპანიამ შანოფი ასევე განაცხადა, რომ მზადაა განახორციელოს 400 მილიონი ევროს ინვესტიცია ახალი თაობის ვაქცინების შესამუშავებლად, სადაც გამოყენებული იქნება მრნმ-ტექნოლოგია. კერძოდ, შანოფი ქმნის მრნმ-ვაქცინების მოწინავე გამოცდილების ცენტრს, რომელმაც 2025 წლისთვის უნდა წარმოადგინოს მინიმუმ 6 ვაქცინა-კანდიდატი მრნმ-ის საფუძველზე.