იაპონელებმა გრიპის სამკურნალო ახალი პრეპარატი შექმნეს
და რომ პრეპარატს გრიპის ვირუსის განადგურება 24 საათში შეუძლია.
Science Alert-ის განცხადებით, ყველაზე ეფექტურ თანამედროვე საშუალებებს ამისათვის 72 საათი მაინც სჭირდებათ, აქედან გამომდინარე, ახალი საშუალება დიდ ინტერესს იპყრობს.
ახალი პრეპარატია - ბალოქსავირ მარბოქსილი (baloxavir marboxil). მისი კლინიკური გამოცდის (აპრობაციის) მესამე ფაზა იანვარში დასრულდა. იაპონიის ჯანდაცვის სამინისტრომ პრეპარატის წარმოებას მწვანე შუქი 2018 წლის თებერვალში აუნთო. მწარმოებელი კომპანია ოფიციალურ ნებართვას უკვე მარტში ელოდება და თუ სამინისტროსგან ამ ნებართვას მიიღებს, პრეპარატის პირველ პარტიას მაისში აუცილებლად გამოუშვებს.
გაიყიდება თუ არა პრეპარატი სხვა ქვეყნებში, ჯერ უცნობია. ექსპერტები იმასაც აცხადებენ, რომ პრეპარატის "საველე პირობებში" ეფექტურობის შესახებ დასკვნებს 2019 წლის ზამთარში გააკეთებენ.
თინათინ გოცაძე