პოპულარული ტკივილგამაყუჩებლები ჰიპოგლიკემიას იწვევენ
განვითარების რისკი, იმ პაციენტებთან შედარებით, რომლებიც სხვა ტკივილგამაყუჩებელ საშუალებებს იღებენ - ამ დასკვნამდე აშშ-ის მეცნიერები მივიდნენ.
სან-დიეგოს კალიფორნიის უნივერსიტეტის თანამშრომლებმა გაარკვიეს, რომ ტრამადოლი საკმაოდ საშიში პრეპარატია ჰიპოგლიკემიის განვითარების თვალსაზრისით. როგორც მეცნიერები აცხადებენ, ის 10-ჯერ ზრდის ჰიპოგლიკემიის განვითარების რისკს სხვა ოპიოიდური ტიპის ანალგეზიურ (ტკივილგამაყუჩებელ) საშუალებებთან შედარებით.
ტრამადოლის გარდა ანალოგიურ ეფექტს ავლენს მეტადონი, ოპიოიდური პრეპარატი, რომელიც ნარკოტიკული დამოკიდებულების დროს ჩანაცვლებითი თერაპიისთვის გამოიყენება - აცხადებენ კვლევის ავტორები და იმასაც აღნიშნავენ, რომ ტრამადოლი და მეტადონი ბევრად საშიშია, ვიდრე სეროტონინისა და ნორეპინეფრინის უკუმიტაცების არაოპიოიდური ინჰიბიტორები (მაგალითად, მემანტინი და კეტამინი).
მიუხედავად რისკებისა, ტრამადოლი საკმაოდ ხშირად ინიშნება ქრონიკული ტკივილის მქონე პაციენტებთან, რადგანაც მიჩნეულია, რომ მას ნაკლებად აქვს გვერდითი მოვლენები გამოხატული, თუმცა, ახლა ექიმები სიფრთხილით უნდა მოეკიდონ მის დანიშვნას დასახელებული ჰიპოგლიკემიური ეფექტის გამო.
თინათინ გოცაძე