მსოფლიო შესაძლოა ინსულინის კრიზისის წინაშე აღმოჩნდეს
დაავადებულთა რიცხვს. ექსპერტთა განცხადებით, დაავადების მატება იმდენად საგანგაშოა, რომ მსოფლიო უახლოეს 10 წელიწადში შესაძლოა ინსულინის კრიზისის წინაშე აღმოჩნდეს.
სადღეისოდ მსოფლიოში დაახლოებით 400 მილიონი ადამიანია დაავადებული შაქრიანი დიაბეტით. ამ კონტინგენტის ასაკი 20-დან 79 წელს შეადგენს. სპეციალისტების ვარაუდით, 2030 წლისთვის დაავადებულთა რიცხვი 500 მილიონს გადააჭარბებს და ამ დროისთვის ინსულინზე მოთხოვნილება 20 %-ით გაიზრდება. ეს კი იმას ნიშნავს, რომ დაავადებულთა 50 % (განსაკუთრებით აზიასა და აფრიკაში) ვერ მიიღებს ინსულინს, რომელიც ასე ესაჭიროება.
ექსპერტები მოსალოდნელ დეფიციტს ინსულინზე მონოპოლიასაც უკავშირებენ. ეს უკანასკნელი სამი კომპანიის ხელშია Novo Nordisk, Eli Lilly და Sanofi, რომლებიც აკონტროლებენ მსოფლიო მარაგის 96 %-ს. ისიც აღსანიშნავია, რომ ბევრ ქვეყანაში ინსულინი ძალიან ძვირია. ზოგიერთ ქვეყანაში კი შეინიშნება მისი მარაგის არაადეკვატური გადანაწილება, მაგალითად, მოზამბიკში მარაგის 77% დედაქალაქში რჩება.
თინათინ გოცაძე