რა განსხვავებაა „უკუჩვენებასა“ და „გვერდით მოვლენებს“ შორის“ - მკურნალი.გე

რუბრიკები

ოჯახის მკურნალის ანონსი

ივლისი

კითხვა-პასუხი

რა განსხვავებაა „უკუჩვენებასა“ და „გვერდით მოვლენებს“ შორის“

რა განსხვავებაა „უკუჩვენებასა“ და „გვერდით მოვლენებს“ შორის“
ნებისმიერ ფარმაცევტულ მედიკამენტს გამოყენების წესების გარდა ანოტაციაში მითითებული აქვს პრეპარატის უკუჩვენება და შესაძლო გვერდითი მოვლენები. პაციენტებმა ხშირად ამ ორი ტერმინის მნიშვნელობა არ იციან და ერთი და იგივე ჰგონიათ. სინამდვილეში მათ სრულიად სხვადასხვა მნიშვნელობა აქვს.

რა განსხვავებაა ამ ორი ტერმინს შორის: ანოტაციაში მითითებული ტერმინი „უკუჩვენება“ ნიშნავს იმას, რომ მედიკამენტი უკუნაჩვენებია ანუ არ შეიძლება მისი გამოყენება, თუკი პაციენტს აქვს „უკუჩვენებაში“ ჩამოთვლილი რომელიმე დაავადება ან დაავადებები. მაგალითად, როცა ამ ტერმინის ქვეშ წერია კუჭის წყლული, პრეპარატის მიღება არ შეიძლება კუჭის წყლულის მქონე პაციენტისთვის ან აუცილებლობის
შემთხვევაში ექიმი მას სიფრთხილით ნიშნავს.

რაც შეეხება ტერმინ „გვერდით მოვლენებს“, ეს ნიშნავს, რომ მისმა გამოყენებამ შეიძლება გამოიწვოს ის დაავადებები თუ სიმპტომები, რომელიც პაციენტს ამ ეტაპზე არ აქვს და რომლებიც ჩამოთვლილია გვერდით მოვლენებში.
მაგალითად, თუ კუჭის წყლული წერია „უკუჩვენებაში“ , ამ წამლის გამოყენება არ შეიძლება თუ
გვაქვს კუჭის წყლული, ხოლო თუ კუჭის წყლული „გვერდითი მოვლენებში“ წერია, ეს ნიშნავს იმას, რომ ახლა კუჭის წყლული არ გვაქვს, მაგრამ ამ წამლის მიღებით შეიძლება ეს დაავადება განვითარდეს.

ზოგჯერ პაციენტი ანოტაციის გაცნობისას აღმოაჩენს ხოლმე, რომ პრეპარატს, რომელიც ექიმმა დაუნიშნა, ანოტაციაში ბევრი უკუჩვენება და გვერდითი მოვლენა აქვს, რის გამოც თვითნებურად იღებს გადაწყვეტილებას, აღარ შეასრულოს ექიმის დანიშნულება. ეს არასწორი მიდგომაა, რადგან ძალიან ხშირად არის შემთხვევები, როცა პრეპარატის სამკურნალო ეფექტი გაცილებით უფრო მნიშვნელოვანი და აუცილებელია კონკრეტულ შემთხვევაში, ვიდრე ანოტაციაში მითითებული გვერდითი მოვლენა თუ უკუჩვენება. ამიტომ ჩვენი რჩევა იქნება, ყურადღებით გაეცნოთ პრეპარატების ანოტაციებს, მაგრამ ექიმთან შეთანხმების გარეშე თვითნებურ გადაწყვეტილებებს ნუ მიიღებთ დანიშნულების შეცვლის თაობაზე. ასევე მნიშვნელოვანია, რომ ყურადღება მიაქციოთ წამლის გვერდით მოვლენებს და თუ შენიშნავთ წამლის მიღებისას გვერდითი მოვლენებიდან რომელიმეს, ამის შესახებ აუცილებლად აცნობეთ ექიმს.

თამარ ნეფარიძე
თამარ მამაცაშვილი

გააკეთეთ კომენტარი
კომენტარი არ გაკეთებულა
დიეტოლოგია
ხშირად, გახდომის მსურველები ყურადღებას უთმობენ მხოლოდ საკვებს, თუმცა ძალიან მნიშვნელოვანია უარი ვთქვათ შაქრის შემცველ
კატეგორიის სხვა სტატიები
ანაბოლური სტეროიდები მედიკამენტებია, რომლებიც ქიმიური სტრუქტურით მამაკაცის სათესლე ჯირკვლებში გამომუშავებულ სასქესო ჰორმონს - ტესტოს-ტერონს ჰგავს.
მელატონინი, ანუ „სიბნელის ჰორმონი“ როდესაც მზე ამოდის, მელატონინის დონე ეცემა, რაც ორგანიზმის შიდა საათს აფრთხილებს,
სამკურნალო საშუალებების ანოტაციაში, ჩვეულებრივ, მითითებულია მათი მიღების დრო - ჭამამდე, ჭამის დროს თუ მის შემდეგ, მაგრამ არსად წერია, როგორ საკვებთან ან სასმელთან ერთად უნდა მივიღოთ იგი.
წითელი ხორცის გადაჭარბებული რაოდენობით მიღება ხელს უწყობს ნაწლავის კიბოს განვითარებას.
სისხლიანი ხველა და ფილტვიდან სისხლდენა არცთუ იშვიათი მდგომარეობაა, რომელიც გადაუდებელ დახმარებას ითხოვს.
ძალიან ხშირად ქალებისგან ფსიქოლოგებს ესმით ჩივილი: „ორი წელია, გათხოვილი ვარ. შვილიც მყავს. ჩემი ქმარი მუშაობს და შინ ძალზე დაღლილი ბრუნდება.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად