უნდა ამოიღოთ თუ არა ნახშირწყლები რაციონიდან წონაში კლების დროს
უნდა ამოვიღოთ თუ არა რაციონიდან ნახშირწყლები მთლიანად? ლაფბოროს უნივერსიტეტის ნუტრიციოლოგი ბეთან კრუზი აღნიშნავს, რომ ეს ბუნდოვანი საკითხია. ნუტრიციოლოგი სპორტსმენებს არ ურჩევს, რომ მთლიანად გამორიცხონ ნახშირწყლები — ისეთი საკვები, როგორებიცაა პური, მარცვლეული, კარტოფილი და ტკბილეული. თუმცა ნახშირწყლების შემცირება სასარგებლო შეიძლება იყოს წონის კლებისთვის იმ შემთხვევაში, თუ დღის განმავლობაში საჭირო ენერგიას სხვა წყაროებიდანაც მივიღებთ.
წონის კლება ენერგიის ბალანსზეა დამოკიდებული — უნდა მივიღოთ იმაზე ნაკლები კალორია, ვიდრე ვხარჯავთ. ამის მიღწევის ბევრი გზა არსებობს: უფრო მეტი ფიზიკური აქტივობა, ნაკლები საკვების მიღება ან დაბალკალორიული პროდუქტების არჩევა. ნახშირწყლების შემცირება ერთ-ერთი გზაა ამ დეფიციტის შესაქმნელად — არა იმიტომ, რომ ნახშირწყლები “გვასუქებს”, არამედ იმიტომ, რომ სხვა მაკრონუტრიენტები, როგორებიცაა ბოჭკო, ცილა თუ ცხიმი, უფრო დიდი ხნით გვანაყრებს.
თავს ბევრად უკეთ იგრძნობთ თუ მიირთმევთ დაბალანსებულ, ცილებით მდიდარ კერძს ბოსტნეულთან და ჯანსაღ ცხიმებთან ერთად. დღიური კალორიული დეფიციტისთვის ასეთი რაციონი გაცილებით კარგი ინვესტიციაა. ეს განსაკუთრებით მნიშვნელოვანია რაფინირებული ნახშირწყლების შემთხვევაში, როგორებიცაა პური და ტკბილეული, რადგან მათი მონელება სწრაფად ხდება. ასეთი საკვები ვარჯიშამდე წასახემსებლად შეიძლება გამოდგეს, მაგრამ არ არის სასურველი, ძირითადი ნახშირწყლების წყარო გახადოთ. ამის ნაცვლად, სასურველია, მეტი ბოჭკოს შემცველი ვარიანტების არჩევა, მაგალითად ყავისფერი ბრინჯის, რომელიც ენერგიას უფრო ნელა გამოყოფს.
ნუტრიციოლოგი გვირჩევს, რომ ვარჯიშის დღეებში მეტი ნახშირწყალი მივიღოთ: "ეს ამცირებს ავადმყოფობისა და ტრავმის რისკს და ხელს უწყობს ორგანიზმის ვარჯიშთან ადაპტაციას". დასვენების ან ნაკლებად აქტიურ დღეებში კი ნახშირწყლების შემცირება დაგეხმარებათ დღიური კალორიების შემცირებაში, მაგრამ ცილები აუცილებლად უნდა მიიღოთ, რომლებიც კუნთის აღდგენას უწყობს ხელს. ასევე, არ დაგავიწყდეთ ხილისა და ბოსტნეულის მიღება როგორც ვარჯიშის დღეებში, ისე დასვენების დროსაც.
თუ მსგავსი თემებით დაინტერესებული ხართ, შემოგვიერთდით ჯგუფში მკურნალი.