როგორ მოვაწყოთ საძინებელი ზაფხულში
თეთრი ფერი/ნატურალური ხე
თეთრი ფერი საზაფხულო საძინებლისთვის ყველაზე აქტუალურია. ნათელი და ბუნებრივი ხის ტონები სხვადასხვა თეთრ ტექსტურასა და მასალას შეახამეთ: ლითონი, ბამბის თეთრეული, ფანჯრებზე მსუბუქი გამჭვირვალე ტიული მძიმე „ზამთრის“ ფარდების ნაცვლად – ეს ყველაფერი დაგეხმარებათ, შექმნათ ჰარმონიული, დინამიკური სივრცე და ის საზაფხულო სიახლით შეავსოთ.
პასტელური ფერთა გამა
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
დელიკატური პასტელის ფერები კარგად გამოიყურება საძინებელში წლის ნებისმიერ დროს. ექსპერტები მდოგვისა და დედამიწის ტონების დამატებას გვირჩევენ. ამ შემთხვევაში ველური ყვავილებისა და სხვადასხვა მცენარის თაიგულიც არ იქნება ზედმეტი.
თეთრეული მცენარეების ორნამენტებით
რა არის ზაფხული სიმწვანისა და ყვავილების გარეშე?! საზაფხულო საძინებლისთვის კარგი გამოსავალი იქნება თეთრეული მცენარეების ორნამენტებით. ამ მხრივ არჩევანი შეუზღუდავია. უბრალოდ, შეეცადეთ გამოიყენოთ ღია ფერის თეთრეული, რათა ინტერიერი ვიზუალურად არ დაამძიმოთ და ჰაეროვნება არ დააკარგვინოთ.
ნორჩი ყვავილები
კარგად შემუშავებული საძინებლის ინტერიერი დიდ სეზონურ ცვლილებებს არ საჭიროებს. თუმცა შეგიძლიათ სივრცე მოწესრიგებულ ლარნაკებში ჩადებული ლამაზი საზაფხულო თაიგულებით განაახლოთ. უბრალო ველური ან ბაღიდან ახალმოჭრილი ყვავილები და გამჭვირვალე მინის ლარნაკი იდეალური იქნება. მთავარია, არ გამოიყენოთ ისეთი მძაფრი სურნელის მქონე ჯიშები, როგორებიც არის ჟასმინი, იასამანი და ა. შ. – ამან შეიძლება თავის ტკივილი გამოიწვიოს და დაძინებაში ხელი შეგიშალოთ.
ტროპიკული პრინტები
მარტივი ხრიკი, რომელიც ოთახში ზაფხულის განცდას დაუყოვნებლივ შექმნის, არის ქსოვილებზე ტროპიკული პრინტების გამოყენება. ეს შეიძლება იყოს საწოლები, დეკორატიული ბალიშები, ფარდები ან ხალიჩები – მთავარია, მწვანე და ნათელი ტონები გამოიყენოთ.
სტილი შაფარი
მყარი ავეჯი, რომელიც აფრიკული სტილის კაშკაშა აქსესუარებთან, ეთნიკურ ნიმუშებსა და სპილოს ძვლისფერ თეთრეულთან არის შერწყმული, საძინებელში სავანის ცხელი ზაფხულის განცდის შექმნას შეუწყობს ხელს.
აგარაკის რომანტიკა
უბრალო ლითონის საწოლი + მსუბუქი ჰაეროვანი ქსოვილი – და თქვენი ქალაქის ბინის საძინებელი აგარაკის იდილიად იქცევა. ოთახის მცენარეები და ველური ყვავილების თაიგული კი ამ ყველაფერს დააგვირგვინებს.
პიტნა ლიმონით
კიდევ ერთი პოპულარული საზაფხულო კომბინაციაა პიტნა ლიმონით. იგი კარგად შეეფერება არა მხოლოდ კოქტეილებს, გამაგრილებელ ლიმონათებსა და ვიტამინებს, არამედ ინტერიერის დიზაინსაც. გამოიყენეთ ტექსტილი ლიმონისა და პიტნის ფერებში, რათა ოთახი ახალი პოზიტიური ატმოსფეროთი შეავსოთ. საზაფხულო ატმოსფერო გარანტირებულია.
თეთრი/ცისფერი
სახლში საზაფხულო განწყობის შესაქმნელად საუკეთესო საშუალებაა ხმელთაშუა ზღვის სტილისთვის დამახასიათებელი ტრადიციული ცისფერი-თეთრი ან ცისფერი-ლურჯი ფერთა გამის გამოყენება. ის ყოველდღე შეგახსენებთ ზღვას, თუნდაც ქალაქის შუაგულში.
სტილი Boho
ამ სტილის სახელწოდება მომდინარეობს ფრანგული სიტყვიდან – „ბოჰემა“ და ითარგმნება, როგორც „ბოშა“. მას ახასიათებს ფერთა აფეთქება, ექსცენტრულობის ზღვარზე მყოფი ეკლექტიზმი, ეთნიკური მოტივების ნაზავი და გამოხატვის სრული თავისუფლება. არ დაგავიწყდეთ გამწვანება – ეს თქვენს ბოჰემურ საძინებელს მეტ ელეგანტურობას შესძენს.
