„გიყვართ თუ არა გართობა?“
ზოგიერთი, მძიმე სამუშაო დღისა და უამრავი პრობლემის მიუხედავად, ამ სიამოვნებას მაინც არ იკლებს. მეტიც, ხშირად საქმეს, ოჯახს, საკუთარ სიმშვიდესა და ჯანმრთელობასაც კი სწირავს გართობას. ამის საპირისპიროდ, არსებობენ ადამიანები, რომლებსაც განმარტოება, მშვიდ და მყუდრო გარემოში, თუნდაც ოჯახურ იდილიაში დასვენება ურჩევნიათ.
მოდი, შევამოწმოთ, რამდენად გიყვართ გართობა.
გულწრფელად უპასუხეთ მოცემულ კითხვარს. კითხვაზე დადებითი პასუხის შემთხვევაში დაიწერეთ ერთი ქულა. ქულები დააჯამეთ.
1) გიყვართ სეირნობა?
2) მოგწონთ სტუმრების გამასპინძლება?
3) არ გიჭირთ მეგობრებისათვის „წვრილმანების“ გაღება?
4) სახლში ყოველთვის მოგეპოვებათ რაღაც, რითაც მოულოდნელად შემოსწრებული სტუმრების გამასპინძლებას შეძლებთ?
5) სასურველ ადამიანთა წრეში, მოულოდნელად შექმნილ სიტუაციაში შეგიძლიათ დალიოთ უფრო მეტი რაოდენობის სასმელი, ვიდრე ეს სასურველია თქვენთვის?
6) გიყვართ კარგი სამზარეულო?
7) ხშირად აწყობთ საღამოებს?
8) გყავთ წრე (კომპანია), რომელსაც რეგულარულად ხვდებით?
9) გიყვართ მეგობართა წრეში სიმღერა?
10) გეუფლებათ სიხარული და სიამოვნება კარგ წრეში (კომპანიაში)?
11) ადვილად გტოვებთ ცუდი გუნება-განწყობილება?
12) ადვილად ურიგდებით ადამიანს, რომელთანაც უსიამოვნება შეგემთხვათ?
13) როდესაც წარსულზე საუბრობთ, ძირითადად სასიამოვნო ფაქტებს იხსენებთ?
14) როგორ ფიქრობთ, ჩვეულებრივ, სახის ფერი კარგი გაქვთ?
15) როდესაც თავს შეუძლოდ გრძნობთ, შეგიძლიათ ეს გარშემომყოფთა წრეში არ შეიმჩნიოთ? თავი ისე დაიჭიროთ, თითქოს ყველაფერი კარგადაა?
16) საკმარის ყურადღებას უთმობთ საკუთარ ჯანმრთელობას?
17) ხშირად იღვიძებთ თავის ტკივილით, რამდენადმე გამოუძინებელი?
18) ხდება ისე, რომ დილით სამსახურში წასვლის ძალა არ შეგწევთ, რადგან წინა ღამით ძალიან გვიან დაწექით დასაძინებლად სტუმრებთან მხიარულების გამო?
19) თუ ჯანმრთელობის მდგომარეობის გამო ექიმი აგიკრძალავთ მოწევასა და დალევას, შეძლებთ უარი თქვათ ამ მავნე ჩვევებზე?
20) ერთხელ მაინც გქონიათ სიტუაცია – კატეგორიული გადაწყვეტილების მისაღებად – არასოდეს დავიცავ დიეტას, რაც არ უნდა მოხდეს?
21) გაქვთ ჭარბი წონა?
22) ხშირად მიდიხართ გასართობად მეუღლის ან ზოგადად, ახლობელი ადამიანის გარეშე?
23) ავლენთ სისუსტეს კომედიებისადმი?
24) ღამით გვიან დაწოლის ჩვევა თუ გაქვთ?
25) დილაობით ტანჯვით დგებით ხოლმე?
26) გიყვართ კლოუნადა?
27) ხშირად იგვიანებთ შეხვედრებზე?
28) სამსახურში ხშირად ხუმრობთ?
29) ყოველთვის ხართ მზად – საქმე მეორე დღისთვის გადადოთ, იმისათვის, რომ გასართობად გაეშუროთ?
დააჯამეთ ქულები
18-დან – 22 ქულის ჩათვლით – თქვენ, აშკარად, გართობის დიდი მოყვარული ბრძანდებით. იმდენად დიდი, რომ მზად ხართ ამისათვის სამსახურითა და საკუთარი ჯანმრთელობითაც კი გარისკოთ. არ გეჩვენებათ, რომ საკმაოდ ლაღ და თავისუფალ ცხოვრებას ეწევით?
13-დან – 17 ქულის ჩათვლით – საკმაოდ გონიერი ბრძანდებით, ფლობთ ზომიერებას მხიარულებასა და გართობაში, თუმცა შეიძლება ისეც მოხდეს, რომ „თავი დაკარგოთ“! ამაში კატასტროფული არაფერია, ყველაფერი დამოკიდებულია თქვენი ჯანმრთელობის მდგომარეობასა და სამსახურში არსებულ წარმატებებზე.
8-დან – 12 ქულის ჩათვლით – თქვენ შეგიძლიათ დატკბეთ სიცოცხლის „მხიარულებებითა და გართობებით“, მაგრამ ზომიერად! სამსახური, საქმე და ოჯახი თქვენთვის გაცილებით მნიშვნელოვანია, ვიდრე გართობა. შეგიძლიათ წესიერად დაისვენოთ, თუ, რა თქმა უნდა, ეს არ მიაყენებს ზიანს თქვენს ოჯახურ მოვალეობებს.
3-დან – 7 ქულის ჩათვლით – თქვენ იშვიათად ერთობით, ალბათ, ამიტომაც გიჭირთ იმ სიამოვნებების შეფასება, რომელსაც მოიცავს ცხოვრება. თქვენ მეტისმეტად გონიერი ხართ და უპირატესობას ანიჭებთ მშვიდ, გაწონასწორებულ და კარგად ორგანიზებულ ცხოვრებას. თითქოს გეშინიათ კიდეც – გადააჭარბოთ მხიარულებაში, თქვენთვის მიღებული და ნორმირებული ჩარჩოებიდან გამოხვიდეთ!
1 ან 2 ქულა – თქვენ შექმნილი ხართ ისეთი ცხოვრებისათვის, რომელიც აუტანელი და სატანჯველი იქნებოდა გართობის მოყვარული ადამიანისათვის. თქვენ ამ უკანასკნელის სრულიად საპირისპირო ვარიანტს მიეკუთვნებით. თქვენმა ხასიათმა და გართობისადმი „უმადობამ“ შესაძლოა ბევრ ადამიანს განგარიდოთ.