თინათინ გოცაძე

1. რამდენი წელი მუშაობთ უკანასკნელ სამუშაო ადგილზე:

ა) ერთ წელზე მეტი;

ბ) სამ წელზე მეტი;

გ) 10 წელი და მეტი;

დ) რამდენიმე თვე.

2. როგორ ფიქრობთ, აუცილებელია თქვენთვის კიდევ სწავლა, რათა წარმატებით განაგრძოთ პროფესიული მოღვაწეობა:

ა) კმაყოფილი ხართ არსებული მდგომარეობით;

ბ) არ შეგიძლიათ კარიერის გარეშე;

გ) რა თქმა უნდა, იმიტომ რომ ეს პრესტიჟულია;

დ) ადამიანს ყოველთვის შეუძლია ახალი რამ ისწავლოს;

ე) მხოლოდ იმ შემთხვევაში, თუ ეს მომგებიანი იქნება.

3. მიგაჩნიათ თუ არა, რომ თქვენ საკმაოდ კარგად გიხდიან იმ შესაძლებლობებთან შედარებით, რომელთაც თქვენი პროფესია იძლევა:

ა) დიახ, მაგრამ ახლა რამდენიც არ უნდა გადაიხადონ, ყოველთვის ცოტა იქნება;

ბ) არა, მაგრამ აქ ძნელია შედარება;

გ) რა თქმა უნდა, არასაკმარისია იმ ძალისხმევისათვის, რომელსაც მე გავიღებ;

დ) ხელფასი არც თუისე დიდია, მაგრამ საკმარისია იმისათვის, რომ შეინარჩუნოთ საყვარელი პროფესია;

ე) მუშაობთ იმის შესაფერისად, რასაც გიხდიან.

4. როგორი განწყობით მიემგზავრებით ხოლმე, ჩვეულებრივ, სამსახურში:

ა) პულსის გახშირებით, მაღალი წნევითა და კანკალით;

ბ) ყველაფერი მიდის ნორმალურად;

გ) გონებაში ხშირად თვლით იმას, რამდენი დაგრჩათ პენსიამდე;

დ) მოუთმენლად - „ახლა მე მათ ვაჩვენებ, რა შესაძლებლობებიც მაქვს!“

ე) მიუხედავად ბევრი რამისა, სახლში ჯდომას მაინც სამსახურში ყოფნა გირჩევნიათ.

5. ხშირად განიხილავთ სამსახურებრივ პრობლემებს ახლობელ ადამიანებთან ერთად:

ა) ჰყვებით ანეკდოტებს თქვენს უფროსზე;

ბ) საუბრობთ მხოლოდ იმაზე, რასაც შეუძლია სარგებლობა მოგიტანოთ;

გ) გაურბიხართ ამ თემას;

დ) ხანდახან გაქვთ ამის მცდელობა, მაგრამ ასეთი საუბრები თქვენი ინტერესის სფერო არ არის.

6. შვებულების დროს, ზღვის სანაპიროზე ნებივრობისას, იჭერთ საკუთარ თავს იმაში, რომ ხშირად ფიქრობთ სამსახურზე:

ა) ეს შეუძლებელია - როცა ისვენებთ, მხოლოდ სიამოვნებაზე ფიქრობთ;

ბ) ბოროტად გიხარიათ, რომ თქვენი კოლეგები ამ დროს „იხრუკებიან“ სამსახურში;

გ) გსურთ - მალე დამთავრდეს დასვენება;

დ) კეთილი განწყობით იხსენებთ სამსახურს და კოლეგებსაც კი ეხმიანებით;

ე) გიხარიათ, რომ შვებულება საკმაოდ ხანგრძლივია.

7. ოდესმე წარმოიდგენდით, რომ მსგავსი რამით დაკავდებოდით:

ა) არც კი ოცნებობდით, რომ ასე კარგი იქნებოდა;

ბ) თქვენთვის ყოველთვის ნათელი იყო ამ სფეროში არსებული ვითარება, ამიტომაც მიილტვოდით ამ ადგილისაკენ და ახლა ყველაფრით კმაყოფილი ხართ;

გ) გარკვეულ იმედგაცრუებას განიცდით;

დ) სადღაც ხომ უნდა იმუშაოს ადამიანმა?!

8. თანახმა იქნებოდით, რომ შვილებს თქვენი პროფესია აერჩიათ:

ა) თუ ეს მათთვის საინტერესოა და თავად თუ აირჩიეს;

ბ) დიახ, მხოლოდ, თუ გაცილებით მაღალ კვალიფიკაციას მიიღებენ, ვიდრე თქვენია.

გ) ყველაფერს გააკეთებთ იმისათვის, რომ გადააფიქრებინოთ, საკმარისია ერთი მსხვერპლი ოჯახში;

დ) თქვენთვის ამას არ აქვს მნიშვნელობა, მაგრამ დარწმუნებული ხართ, რომ მათ ჯერ არ იციან, რას მოეკიდონ;

ე) იმედია, რომ ეს მოხდება და მაშინ თქვენ შეძლებთ თქვენი გამოცდილება და კავშირები გამოიყენოთ.

9. ბავშვობაში თქვენ ოცნებობდით:

ა) კოსმონავტობაზე, რომ პირველი გადასულიყავით ახალ პლანეტაზე:

ბ) მსახიობობაზე - მაყურებელთა ოვაციების გამო;

გ) მასწავლებლობაზე, რათა ყველა ბავშვისათვის ფრიადი დაგეწერათ:

დ) მანეკენობაზე, იმიტომ, რომ ეს მშვენიერია;

ე) ექიმობაზე თეთრი ხალათისა და სტეთოსკოპის გამო.

10. წარმოიდგინეთ შემდეგი სიტუაცია: გელით გადამწყვეტი შეხვედრა ოცნების მამაკაცთან. უცბად ირკვევა, რომ აუცილებლად უნდა დარჩეთ სამსახურში კიდევ რამდენიმე საათს. როგორია თქვენი რეაქცია:

ა) აცნობებთ მას, რომ, სამწუხაროდ, დღეს დაკავებული ხართ;

ბ) ეჩხუბებით ყველას, ვინც კი თვალში გხვდებათ და დამშვიდებული მიემართებით შეხვედრაზე;

გ) დიდი ყოყმანის შემდეგ გადაგაქვთ შეხვედრა, თავს კი ისე დათრგუნულად გრძობთ, რომ სამუშაოს შესრულების უნარი აღარ შეგწევთ.

დ) გადაგაქვთ შეხვედრა - სამსახური უფრო მნიშვნელოვანია, ვიდრე ყველა დანარჩენი, ის, ვისაც თქვენთან ერთად ყოფნა სურს, უნდა შეეჩვიოს ამ აზრს;

ე) მუშაობთ აჩქარებული ტემპით, რომ ყველაფერი მოასწროთ და ცდილობთ ტყუილის გამოყენებით თავი დააღწიოთ სამსახურს.

ქულები

1. (ა, დ) - 1; (ბ, გ) - 2.

2. (ა) - 0; (ბ, ე) - 2; (გ) - 1; (დ) - 4;

3. (ა) - 2; (დ) - 3; (ბ, გ, ე) - 1;

4. (ა) - 0; (ბ) - 4; (გ) - 1; (დ) - 2; (ე) - 1;

5. (ა, დ) - 2; (ბ, გ, ე) - 1;

6. (ა, დ) - 3; (გ, ე) - 1; (ბ) - 2;

7. (ა) - 5; (ბ) - 3; (გ) - 2; (დ) - 1;

8. (ა) - 5; (ბ) - 4; (გ, ე) - 1; (დ) - 2;

9. (ა, ბ, გ, ე) - 2; (დ) - 3;

10. (ა) - 7; (ბ) - 5; (გ, ე) - 1; (დ) - 2.

შედეგები

38-დან 27 ქულის ჩათვლით - თქვენ შესანიშნავად ართმევთ თავს ნებისმიერ სიტუაციას, როგორც ცხოვრებისეულს, ასევე პროფესიულს. გაგაჩნიათ იშვიათი თვისება - არ შეიმჩნიოთ საკუთარი ღირსებები და მუდმივად ისწრაფოთ სრულყოფილებისაკენ. საკმაოდ კარგად გრძნობთ თავს ნებისმიერ სამუშაოზე, ამიტომაც - ყურადღება! - ნუ დათანხმდებით პირველივე შემოთავაზებულს!

26-დან 22 ქულის ჩათვლით - თქვენ კარგად ართმევთ თავს სამუშაოს და მაინც რაღაც ისე ვერ არის, როგორც უნდა იყოს. შესაძლოა თქვენი პროფესიონალური შესაძლებლობანი აღემატება იმას, რითაც დაკავებული ხართ, იქნებ მცირე, მაგრამ შესამჩნევი წარმატება გჭირდებათ, რათა თვითშეგრძნება გაგიუმჯობესდეთ. იქნებ თქვენი უკმაყოფილება კოლეგებთან კონტაქტის ან კიდევ სხვა წვრილმანი პრობლემების შედეგია. დაფიქრდით, იქნებ სჯობს ერთი შეხედვით უმნიშვნელო, მაგრამ თქვენთვის მეტად მნიშვნელოვანი პრინციპების კორეგირება, რათა სამუშაოსაგან სიამოვნება მიიღოთ.

22 ქულაზე ნაკლები - თქვენ სამსახურში ტანჯულა ხართ ინტერესისა და პიროვნული რეალიზაციის გარეშე. მიზეზი სხვადასხვა შეიძლება იყოს, და თუ ჯერ კიდევ არ დაგიკარგავთ საკუთარი თავის რწმენა, უმჯობესია, დატოვოთ ეს სამსახური. მცირე შესვენებისა და ანალიზის შემდეგ შესაძლოა გააცნობიეროთ ის, რომ ახალი სამსახური ყველა შემთხვევაში ხსნაა თქვენთვის, ერთადერთი გზაა იმ ჭაობიდან ამოსვლისა, რომელშიც ჩაიძირეთ.