ტესტი, რომლითაც ადამიანის ხასიათს განსაზღვრავთ
საკვლევ პირს უნდა სთხოვოთ 4 მარტივი მოქმედების შესრულება ან თავად შეასრულოთ ისინი, თუ თქვენს ხასიათს ამოწმებთ.
მიღებული შედეგები აუცილებლად ჩაინიშნეთ ფურცელზე, რომ შემდეგ მოცემულ გასაშიფრ მეთოდიკას დაუკავშიროთ.
რა უნდა გააკეთოთ ამისათვის:
1) ხელებით გააკეთეთ საკეტი
ერთგვარად ჩაკეტეთ ხელის მტევნები, თითების ერთმანეთში ჩასმით გააკეთეთ ე.წ. საკეტი, როგორც ეს პირველ სურათზეა ნაჩვენები. დააკვირდით, რომელი ხელის თითი აღმოჩნდება ზევით. თუ მარცხენა ხელის, ფურცელზე ჩაინიშნეთ ციფრი - 1, თუ მარჯვენის, დაწერეთ ციფრი - 2.
2) დაუმიზნეთ სამიზნეს
ერთი თვალი დახუჭეთ და შეეცადეთ წარმოსახვით სამიზნეს თითებით დაუმიზნოთ (როგორც ეს სურათზეა მოცემული). რომელი თვალი დაგრჩათ გახელილი? თუ მარცხენა – ფურცელზე ჩაინიშნეთ ციფრი 1, თუ მარჯვენა – დაწერეთ ციფრი 2.
3) ხელები მკერდზე გადაიჯვარედინეთ
რომელი ხელი აღმოჩნდა ზევით? მარცხენა – 1, მარჯვენა – 2.
4) დაუკარით ტაში
დააკვირდით, ტაშის დაკვრისას რომელი ხელია ზევით? თუ მარცხენა, ფურცელზე დაწერეთ ციფრი 1, თუ მარჯვენა - 2.
ახლა კი შეგიძლიათ გაეცნოთ შედეგებს:
2221 - ამ ხასიათის ადამიანი გამოირჩევა გაუბედაობითა და ყოყმანით, გადაწყვეტილების მიღება, ჩვეულებრივ, ძალზე უჭირს.
2212 - მთავარი თვისება კომუნიკაბელობაა. ადვილად ურთიერთობს ნებისმიერ ადამიანთან.
2122 - ეს ადამიანი ფრთხილია, რბილი ხასიათისა და „ტექნიკური“ ტვინის პატრონი, ხშირად ცივია სხვა ადამიანთათვის.
1222 - ამ ხასიათის ადამიანს აკლია დაჟინებულობა და შეუპოვრობა. მას ახასიათებს ემოციურობა, ადვილად ექცევა სხვათა გავლენის ქვეშ. შეუძლია საერთო ენის გამონახვა ადამიანებთან.
1122 - ეს ადამიანი გამოირჩევა სიკეთით, ინტერესთა მრავალფეროვნებითა და სიჭარბით. ხშირად ბრიყვი და უბრალოა. მიდრეკილია მარტოობისაკენ.
2211 - რბილი ხასიათის ადამიანია, მეტად კომუნიკაბელური.
2111 - ეს ადამიანი მერყევი ხასიათისაა, მხოლოდ საკუთარ ძალებს ეყრდნობა.
1211 - ჩაკეტილი ბუნებისაა, მეგობარი ცოტა ჰყავს. თუმცა ეს ადამიანი ძლიერი სულისაა და მთელი ძალით მიისწრაფვის მიზნისაკენ.
1121 - შემოქმედებითი ნატურაა, რბილი ხასიათის, მიმნდობი.
1112 - ამ კომბინაციის ადამიანი ენერგიულია, ემოციური, მტკიცე და შეუპოვარი.
2222 - აბსოლუტური მემარჯვენე, კონსერვატული ხასიათის, გაურბის კონფლიქტებს.
1111 - აბსოლუტური მემარცხენე. შემოქმედებითი ადამიანი, რომელსაც ასევე ახასიათებს ემოციურობა, ინდივიდუალიზმი და ეგოიზმი.
2121 - ასეთ ადამიანზე ადვილია ზემოქმედება, სრულიად დაუცველია.
1212 - შეუპოვარი და სულით ძლიერი ადამიანია. ადვილად აღწევს დასახულ მიზნებს.
1221 - რბილი ხასიათისაა, უეშმაკო და უბოროტო, აკლია სიმტკიცე და შეუპოვრობა.
2112 - რბილი ხასიათისაა, ძალდაუტანებელი, ადვილად იძენს ნაცნობებს, ხშირად იცვლის გატაცებებს.