რამდენი ხანი შეიძლება ზამთარში მზის აბაზანების მიღება
ესპანელმა მეცნიერებმა გამოთვალეს მზეზე ყოფნის ოპტიმალური დრო. აღმოჩნდა, რომ საშუალოსტატისტიკური ადამიანი, ზაფხულში, ქალაქში მზეზე 29 წუთზე მეტს არ უნდა ატარებდეს.
თუმცა, ზამთარში უსაფრთხო ლიმიტის ხანგრძლივობა 150 წუთამდე შეიძლება გაიზარდოს. ამ დროის მანძილზე სხეული კანის დამწვრობის გარეშე ასწრებს D ვიტამინის გამომუშავებას. დასხივების დონე დამოკიდებულია ადამიანის ტანდეგობაზე, სხეულსა და ტანსაცმელზე. ამასთან, სხეულის ყველა ნაწილი ერთნაირი ეფექტურობით როდი ახდენს ამ ვიტამინის სინთეზს.
შემოდგომასა და ზამთარში ორგანიზმში შეიძლება ვიტამინის დეფიციტი შეიქმნას დღის ხანგრძლივობის შემცირების გამო. ამ შემთხვევაში დეფიციტთან ბრძოლა სწორი კვებითაა შესაძლებელი. რაციონში უნდა იყოს ღვიძლი, კვერცხი, წითელი ხორცი და ცხიმიანი თევზი.
ლალი ჩხიკვაძე