სტაფილო
კაროტინი ადვილად იჟანგება, მაგრამ მცენარეულ ქსოვილებში მას უჯრედული გარსები იცავს, ამიტომ კულინარიული დამუშავებისას არ იშლება. კიდევ ერთი: კაროტინის შესაწოვად აუცილებელია ცხიმი.
სტაფილო უმჯობესია მიირთვათ მოხარშული ან მოშუშული, შეკაზმოთ ზეთით ან არაჟნით, მოამზადოთ მისგან პიურე, სუფლე, ოლადები, პუდინგი ან გარნირი ცხიმიანი კერძისთვის.
სტაფილო მდიდარია კალიუმის მარილებითაც, რომლებიც მონაწილეობენ წყალმარილოვანი ცვლის რეგულაციაში, ხელს უწყობენ ორგანიზმიდან წყლის გამოდევნას.
ვიტამინებისა და მინერალური ნივთიერებების ეფექტური შერწყმის გამო სტაფილო განსაკუთრებით სასარგებლოა იმ ბავშვებისა და მეძუძური დედებისთვის, რომლებსაც აქვთ კუჭ-ნაწლავის დაავადებები, თირკმლის, გულის, ღვიძლის დაავადებები, შაქრიანი დიაბეტი.
კვებით ღირებულებას სავსებით ინარჩუნებს სტაფილოს წვენი. მისი მომზადება ადვილია: უმი ძირხვენა გაწმინდეთ, გარეცხეთ, გახეხეთ და გამოწურეთ. წვენი მომზადებისთანავე დალიეთ. დღეში ერთი ჭიქა მოზრდილისთვის სავსებით საკმარისია.