დაუმეგობრდით ამინდს - მკურნალი.გე

რუბრიკები

ოჯახის მკურნალის ანონსი

მარტი 2020

კითხვა-პასუხი

დაუმეგობრდით ამინდს

დაუმეგობრდით ამინდს

ჩემი ორგანიზმი საოცრად რეაგირებს ამინდის ცვალებადობაზე. ყოველთვის ცუდად ვგრძნობ თავს. მეუბნებიან, რომ მეტეოდამოკიდებული ვარ. როგორ გავუმკლავდე ამინდის ჭირვეულობას? მარიკა, 32 წლის

ხშირი ჰორმონული ძვრების გამო ქალები უფრო მგრძნობიარენი არიან ამინდის მკვეთრი ცვალებადობის მიმართ, ვიდრე მამაკაცები, განსაკუთრებით კი ის ქალები, რომელთაც უმნიშვნელო ემოციური დარღვევები აქვთ, იოლად სძლევთ შიში, ყველგან საფრთხე ეჩვენებათ ან ხშირად განიცდიან სტრესს, აწუხებთ გულ-სისხლძარღვთა დაავადებები, სიმსუქნე, ეწევიან ნაკლებად მოძრავ ცხოვრებას, ეწევიან თამბაქოს. მიზეზი: თუ დღეს +15 გრადუსი სითბოა, ხვალ - 1, ზეგ კი მაგნიტური ქარიშხალი, ორგანიზმი უბრალოდ ვერ ასწრებს

ტემპერატურულ ძვრებთან შეგუებას.

ამინდის ცვალებადობით გამოწვეული უქეიფობა გავლენას ახდენს განწყობაზე და აისახება გარეგნობაზე. ასეთ დროს ეფექტურია ეთერზეთების აბაზანები, სოლარიუმი. ხელოვნური მზის სხივები D ვიტამინის დეფიციტს აგინაზღაურებთ, ოღონდ წინასწარ გაარკვიეთ, უკუნაჩვენები ხომ არ არის თქვენი ორგანიზმისთვის სოლარიუმი. გადაავლეთ თვალი თქვენს დღის რეჟიმს. იქნება ძილი გაკლიათ და
ნერვული სისტემა დასვენებას ვერ ასწრებს? კარგი იქნება, თუ საცურაო აუზის აბონემენტს შეიძენთ. მოელაპარაკეთ მეგობრებს და ერთად მიიღეთ წყლის პროცედურები - ასე უფრო სახალისო იქნება. მოეშვებით, განიტვირთებით, დამცავი ძალების მობილიზებას მოახდენთ. კიდევ ერთი ვარიანტი - იარეთ საუნაში. ორთქლის აბაზანა ავარჯიშებს თერმორეგულაციას, არაჩვეულებრივ ზემოქმედებას ახდენს ნერვულ სისტემაზე.

 


მძიმე დღეების რაციონი
როცა ამინდის ცვლილების გამო თავს ცუდად გრძნობთ, ვერც თქვენი კუჭი მუშაობს სრულფასოვნად - საკვების გადამამუშავებელი ფერმენტების გამომუშავება მცირდება. ამ დროს სასარგებლოა უმი ხილისა და ბოსტნეულის ახალგამოწურული წვენები, უგაზო მინერალური წყალი, ზღვის პროდუქტები, ახალი რძე, გარგარის ჩირი და ქიშმიში, ასევე - მათი კომპოტი, ვაშლი, სტაფილო, ბარდის, ლობიოს კერძები. საუკეთესო არჩევანია ორთქლზე მომზადებული და მოშუშული ბოსტნეული. რჩევა: თავი არიდეთ ხმაურიან წვეულებებსა და შეხვედრებს, მძიმე საკვებს (ცხიმიან ხორცს, ტკბილეულს, ხრაშუნა კარტოფილს, შაშხს).


თამაში კონტრასტზე
გაკაჟდით. კონტრასტული შხაპი სხეულს სიცივეს შეაჩვევს და იმუნიტეტს მოაძლიერებს. რჩევა: წყლის ტემპერატურა თანდათანობით შეამცირეთ, თორემ მეტეოდამოკიდებულებას გაციება დაემატება. ხელი მოჰკიდეთ სპორტს. ხშირად ისეირნეთ სუფთა ჰაერზე. თუ ამინდი უსიამოვნო სიურპრიზებს არ წყვეტს, აუცილებლად მიმართეთ ექიმს.


ჩაი დაგეხმარებათ
მეტეოროლოგიური სტრესი თავიდან რომ აიცილოთ, პირველი სიმპტომების შემჩნევისთანავე დალიეთ მაგარი, არომატული თაფლიანი ჩაი. შეგიძლიათ, დაუმატოთ ასკილი და სხვა სასარგებლო მცენარეებიც. ასეთი ჩაი თვითშეგრძნებას გამოგიკეთებთ და დაძაბულობის მოხსნაში დაგეხმარებათ. პროფილაქტიკისთვის კარგია სურნელოვანი ბარამბო - ის წმენდს სისხლძარღვებს, დაბლა სწევს წნევას. კარგია ბარამბოს, ცაცხვისა და პასიფლორას ნარევიც. სიცივეში დილაობით აუცილებლად მიირთვით ჩაი. ის არა მარტო ათბობს, არამედ ტონუსსაც ამაღლებს და განწყობასაც აუმჯობესებს. თუ ჩაის რამდენიმე ულუფა ლიმონს და 1 ჩაის კოვზ თაფლს დაუმატებთ, მიიღებთ ძალიან გემრიელ და მასაზრდოებელ სასმელს. შეიძინეთ თბილი ნივთებიც - კაშნე, ქუდი, ხელთათმანები, სასურველია, ხასხასა, ხალისიანი ფერისა. საერთოდ, საზამთრო გარდერობში აუცილებლად უნდა გქონდეთ თუდაც ერთი ასეთი ნივთი. ის განწყობასაც გამოგიკეთებთ და გარშემო მყოფთა ყურადღებასაც მიიქცევს. თქვენც თითქოს გარდაიქმნებით და სტრესიც შემცირდება. როცა ამინდი სწრაფად იცვლება, ეცადეთ, ამ დროს სადმე გაემგზავროთ, მაგალითად, სათხილამურო კურორტზე. დროებით დაივიწყეთ ქალაქის ნაცრისფერი პეიზაჟები, ისუნთქეთ სუფთა ჰაერით, ისრიალეთ. შეიძლება, ვინმე საინტერესო ადამიანიც გაიცნოთ. სხვათა შორის, ფსიქოლოგები ამტკიცებენ, რომ ზამთრის რომანები ყველაზე მტკიცეა და თუ წყვილი შეძლებს ცივი სეზონის გადალახვას, მათ ურთიერთობას აუცილებლად ექნება მომავალი.


 

გააკეთეთ კომენტარი
კომენტარი არ გაკეთებულა
დიეტოლოგია
ტვინისათვის სასარგებლო ბოსტნეულიდან დიეტოლოგები გამოყოფენ წითელ კომბოსტოს, ჭარხალსა და ისპანახს. წითელი კომბოსტო მეტად სასარგებლოა ტვინის
თუ შეკრულობა (ყაბზობა) გაწუხებთ, რეგულარულად უნდა მიირთვათ ბროკოლი, ვაშლი და ისპანახი.
შვრია აქვეითებს სისხლში ქოლესტერინის დონეს, ანთების მაჩვენებლებს, წონას და აუმჯობესებს საჭმლის მონელებას.
კატეგორიის სხვა სტატიები
ამოსოვის პასტა იმუნიტეტის გამაძლიერებელი უნიკალური საშუალებაა.
ამოსოვის პასტა იმუნიტეტის გამაძლიერებელი უნიკალური საშუალებაა.
ზოგიერთმა მავნე ჩვევამ შეიძლება დაასამაროს პირადი ცხოვრება. აქედან
ვიტამინების მიღება ექიმის კონტროლით უნდა მოხდეს. მაღალი დოზებით ვიტამინების მიღებამ შეიძლება
750000-ზე მეტი ადამიანის მონაცემების მასშტაბური ანალიზი ჩატარდა ა.შ.შ-.ს კიბოს ნაციონალური ინსტიტუტის,
უსაფრთხოდ ითვლება 5 სმ-მდე ზომის ქუსლი, ოპტიმალურად - 3 სმ. ქუსლი, რაც უფრო მაღალია,
ადამიანის ხერხემალს ყოველდღიურად დიდი დატვირთვა ადგება, შესაბამისად,
კორონავირუსის პანდემიამ აქტუალური გახადა ყველგან და ყველაფერში სისუფთავის დაცვის საკითხი.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად