მეცნიერებმა ალცჰაიმერის დაავადების ადრეული დიაგნოსტიკის მეთოდი შეიმუშავეს
რაც საშუალებას იძლევა ალცჰაიმერის დაავადება გამოვლინდეს დაავადების ადრეულ სტადიაზე.
ალცჰაიმერის დაავადება 60% შემთხვევაში ჭკუასუსტობის მიზეზია. დღეისათვის ის ვლინდება მეხსიერების ტესტებით, რომელიც ხშირად არაობიექტური შეიძლება აღმოჩნდეს. ალცჰაიმერის დაავადების ადრეული დიაგნოსტიკა უფრო ეფექტური მედიკამენტოზური მკურნალობისა და ცხოვრების წესის კორექციის საშუალებას მოგვცემს.
მეცნიერების მიერ შემუშავებული Fastball-ის ტესტის მსვლელობისას, კვლევის მონაწილეებს აჩვენებდნენ სწრაფად ცვლად გამოსახულებებს და ზომავდნენ ტვინის ტალღებს. იმ დროს, როდესაც სურათები თანდათანობით იცვლება, სპეციალისტები ენცეფალოგრაფიული ცვლილებებით ავლენდნენ დაიმახსოვრა თუ არა ადამიანმა ცვლილებები.
მეთოდი საშუალებას იძლევა, დაფიქსირდეს მცირე ცვლილებიც კი ტვინის ტალღებში. გაზომვები სრულად პასიურია. მონაწილეს არ მოეთხოვება დავალების გააზრება ან კითხვებზე პასუხი. 60 ადამიანზე წინასწარ ჩატარებული კვლევით, ნაჩვენები იქნა, რომ ალცჰაიმერის დაავადების მქონე ადამიანები, ტესტის მსვლელობისას, დაბალ შედეგებს აჩვენებდნენ.
მკვლევარების შეფასებით, ახალი მეთოდი დაავადების გამოვლენის ვადების 5 წლამდე შემცირების საშუალებას იძლევა.