ამოვარდნილობისას ტკივილი მომენტალურად აღმოცენდება, მოტეხილობისას კი შეიძლება დაიგვიანოს - როგორ გავარჩიოთ ერთმანეთისგან მოვარდნილობა და მოტეხილობა - მკურნალი.გე

რუბრიკები

ოჯახის მკურნალის ანონსი

კითხვა-პასუხი

ამოვარდნილობისას ტკივილი მომენტალურად აღმოცენდება, მოტეხილობისას კი შეიძლება დაიგვიანოს - როგორ გავარჩიოთ ერთმანეთისგან მოვარდნილობა და მოტეხილობა

ამოვარდნილობისას ტკივილი მომენტალურად აღმოცენდება, მოტეხილობისას კი შეიძლება დაიგვიანოს - როგორ გავარჩიოთ ერთმანეთისგან მოვარდნილობა და მოტეხილობა
როგორ გავარჩიოთ ამოვარდნილობა და მოტეხილობა
ყველამ უნდა იცოდეს პირველი დახმარების აღმოჩენის საფუძველი, მათ შორის - ამოვარდნილობისა და მოტეხილობის განსაზღვრა და ის, თუ რა უნდა გაკეთდეს ერთ და მეორე შემთხვევაში.

ამოვარდნილობა - სახსრის ბუნებრივი ფორმის დარღვევა და ძვლების შეერთების მიდამოში მათი ბოლოების შეცილებაა.

სრული ამოვარდნილობა ხასიათდება სასახსრე კაფსულის დეფორმაციით და მყესების გაგლეჯით. ნაწილობრივი ამოვარდნილობისას მხოლოდ სასახსრე კაფსულის ფორმა იცვლება და შესაძლებელია მყესების დაჭიმვა. ამოვარდნილობისას ტრავმის ადგილზე ნებისმიერი მოძრაობა ბლოკირებულია.

ამოვარდნილობის ადგილზე აღინიშნება სახსრის ტკივილი, ვითარდება შეშუპება. უფრო მეტიც, შეიძლება შეინიშნებოდეს ერთმანეთის
სიახლოვეს ორი ამობურცულობა - შეცილებული სასახსრე ძვლები.

მოტეხილობა - ძვლის მთლიანობის დარღვევაა, თუმცა, ამოვარდნილობისგან განსხვავებით, ტრავმირებული ადგილი მოძრავია. ღია მოტეხილობისას დაზიანებული კანის საფარველიდან მარტივადაა შესაძლებელი ძვლის ნატეხების გარჩევა. მოტეხილობის მიდამოში ძალიან სწრაფად ვითარდება შეშუპება, შემდგომ კი ჰემატომა, რომელიც გარკვეული დროის შემდეგ მთლიანად ფარავს ტრავმირებულ კიდურს.

განსხვავება მოტეხილობასა და ამოვარდნილობას შორის ის არის, რომ მოტეხილი ძვლის გამო იცვლება ტრავმირებული კიდურის ფორმა და სიგრძე.

ამოვარდნილობისას ტკივილი მომენტალურად აღმოცენდება, მოტეხილობისას კი შეიძლება დაიგვიანოს. ეს იმიტომ ხდება, რომ მოტეხილობისას ორგანიზმი ღებულობს კოლოსალურ შოკს და ერთგვარად მობილიზაციას უკეთებს საკუთარ ძალებს. ტკივილი შეიგრძნობა შოკური მდგომარეობის გავლასთან ერთად.

ამოვარდნილობისა და მოტეხილობის დროს პირველი რიგის ამოცანაა, ტრავმატოლოგიურ განყოფილებამდე უსწრაფესად ისე მიღწევა, რომ არ დაიძაბოს ტრავმირებული ადგილი. ექიმის გასინჯვამდე არაა რეკომენდებული ძლიერი ტკივილგამაყუჩებელი საშუალების მიღება.

ამოვარდნილობისას - რაც შეიძლება უნდა შეიზღუდოს დაზიანებული კიდურის მოძრაობა. ტრავმირებული ადგილი შეახვიეთ ქსოვილით ან დაადეთ არტაშანი (მყარი სწორი საგანი, რომელიც შეიძლება ბინტით გადავახვიოთ კიდურზე, რომ არ მოიხაროს დაზიანებულ სახსარში), თვითნებურად არ ეცადოთ სახსრის ჩასწორებას. თუ დაზიანებულია ხელი, მისი დაფიქსირება შესაძლებელია სხეულზე.

ამოვარდნილ სახსარზე მოათავსეთ ყინული ან ცივ წყალში დასველებული ნაჭერი.

მოტეხილობისას საჭიროა შემდეგი რჩევების გათვალისწინება:

დაზარებული დააწვინეთ სწორ ზედაპირზე, დაზიანებული კიდური მოათავსეთ უმოძრაოდ.

გააჩერეთ სისხლდენა ლახტის დადებით. ლახტად შეიძლება ნებისმიერი ნაჭრის, მაგალითად, ქამრის ან ჰალსტუხის გამოყენება. ლახტი უნდა დაედოს კიდურზე სისხლდენის ადგილიდან ზემოთ. ლახტის ფიქსაციის დრო აუცილებლად უნდა აღინიშნოს, რადგანაც მისი გაჩერება 1,5-2 საათზე მეტხანს არ შეიძლება (ქსოვილების კვდომა რომ არ განვითარდეს, ამ დროის გასვლის შემდეგ აუცილებელია რამდენიმე წუთით ლახტის მოშვება).

გამოიყენეთ მაგარი საგანი ფიქსაციისა და ტრავმირებული ადგილის უძრაობის უზრუნველსაყოფად, ანუ დაადეთ არტაშანი. ფიქსატორი ისე შეახვიეთ, რომ მან მოიცვას ორი სახსარი - მოტეხილი კიდურის ორივე ბოლო. ტრავმირებული კიდური უნდა დაფიქსირდეს ბუნებრივ ფიზიოლოგიურ მდგომარეობაში.
გააკეთეთ კომენტარი
კომენტარი არ გაკეთებულა
დიეტოლოგია
დაბერების კვალად, ადამიანის ორგანიზმში საჭმლის მომნელებელი ჯირკვლებისა და ნაწლავების ფუნქცია თანდათანობით ქვეითდება.
აკნეს განვითარებაზე მოქმედებს: გენეტიკურ განწყობა, ჰორმონული ცვლილებები, ბაქტერიების ჭარბი ზრდა,
კატეგორიის სხვა სტატიები
სამკურნალო საშუალება ხველის თავისებურებების მიხედვით უნდა შევარჩიოთ.
ფეხების ყოველდღიური მოვლა, განსაკუთრებით ტერფებისა და ქუსლების, გულისხმობს დღეში არანაკლებ ორჯერ დაბანას,
ცნობილია, რომ სტრესის ფონზე ადამიანს შეიძლება შეუმცირდეს თმის რაოდენობა.
იმპლანტებზე საუბრისას, პირველ რიგში, ესთეტიკური მოტივაცია რომ გვახსენდება, გასაკვირი არ არის.
ნებისმიერ ქალს უჭირს იმასთან შეგუება, რომ, ადრე თუ გვიან, მის მომხიბვლელობას ასაკი თავის კვალს დააჩნევს.
კვებას უდიდესი მნიშვნელობა აქვს როგორც სიმსივნის აღმოცენების, ასევე მისი განვითარების პროფილაქტიკაში.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად