რამდენად საზიანოა ფეხშიშველი სიარული
თუმცა, ექიმებს მიაჩნიათ, რომ საჭიროა ამ ტრადიციის შეცვლა. საქმე მხოლოდ მიკრობებში როდია. სახლში ფეხშიშველმა სიარულმა შეიძლება ტერფის სხვადახვა სტრუქტურული ტრავმები გამოიწვიოს. ორთოპედების აზრით, ფეხშიშველი სიარულის დროს სუსტდება ფეხის გულის ფასცია (ქუსლის ტერფის წინა ნაწილთან შემაერთებელი მყესები), რამაც შეიძლება გამოიწვიოს ტკივილი და დისკომფორტი არა მარტო ტერფების მიდამოში არამედ მთელ სხეულში.
რადგანაც საყოფაცხოვრებო პირობებში, ზედაპირები არის მაგარი, სახლში ფეხსაცმლის გარეშე სიარულისას ზეწოლა მოდის ტერფის თაღზე, რაც აისახება სხეულის სხვადასხვა ნაწილში დაძაბულობით.
ამას გარდა ფეხშიშველი სიარული ზრდის სოკოთი და ბაქტერიებით დასნებოვნების რისკს. ეს მავნე ორგანიზმები ასნებოვნებენ კანს და შემდგომ შესაძლებელია მოხდეს ფრჩხილების დაინფიცირებაც, რაც იწვევს მათ გასქელებას, გაუფერულებას და მტვრევადობას. ფრჩხილი იცვლება და აღინიშნება უსიამოვნო სუნი.
ფეხების დაცვის საუკეთესო საშუალებაა კარგი საშინაო ფეხსაცმლის შერჩევა, რომელშიდაც სახლში მოსვლისას თავს იგრძნობთ კომფორტულად. ორთოპედები გვირჩევენ რომ საშინაო ფეხსაცმელმა უნდა უზრუნველყოს ტერფის თაღის საყრდენი, განსაკუთრებით მაშინ, თუ გაწუხებთ ტერფის დაავადებები.