რატომაა საშიში D ვიტამინის დეფიციტი
აცხადებენ, რომ D ვიტამინის დეფიციტი იწვევს COVID-19 – ის უფრო მძიმე მიმდინარეობას.
ამ ვიტამინს ადამიანების უმრავლესობა იცნობს, როგორც "მზის ვიტამინს". ის გამომუშავდება ორგანიზმის მიერ კანზე ულტრაიისფერი სხივების მოხვედრის საპასუხოდ. D ვიტამინს ასევე შეიცავს თევზის ქონი, კვერცხის გული, ვიტამინიზირებული რძის პროდუქტები და მარცვლეული. D ვიტამინი ორგანიზმს ეხმარება კალციუმის ათვისებაში, ძვლების გამაგრებაში, კუნთების ტონუსის შენარჩუნებასა და იმუნური სისტემის სტიმულაციაში.
D ვიტამინის დეფიციტი შეიძლება განვითარდეს რაციონში D ვიტამინის შემცველი პროდუქტების სიმწირისას, მზის სხივების ნაკლებობისას. მისი დეფიციტის რისკი იზრდება თუ ადამიანი დიდ დროს ატარებს სახლში. სიმსუქნეც წარმოადგენს ვიტამინი D უკმარისობის მიზეზს.
D ვიტამინის დეფიციტი ყოველთვის სახიფათოა, მაგრამ პანდემიის დროს, ის განიხილება ჩOVID-19-ის გართულებული მიმდინარეობის როგორც შესაძლო ფაქტორი.
მთელი წლის განმავლობაში მიმდინარე მრავალრიცხოვანი კვლევებით დადგინდა, რომ D ვიტამინის სრულფასოვანი მიწოდება აუმჯობესებს კორონავირუსული ინფექციით დასნებოვნებული პაციენტების მკურნალობის შედეგებს, ამცირებს დაავადების სიმძიმეს და გართულებების რისკს. ასევე ცნობილია, რომ პაციენტებს, D ვიტამინის ნორმალური მაჩვენებლით, იშვიათად უვითარდებოდათ კორნავირუსის საშიში გართულებები.