ზეგანაკვეთური სამუშაო ჯანმრთელობისთვის მომკვდინებელია
მუშაობამ შეიძლება გამოიწვიოს ინსულტი. ექსპერტები დამსაქმებლებს მოუწოდებენ გაითვალისწინონ აღნიშნული დასკვნა. მათი აზრით, პროფესიული საქმიანობით გამოწვეულ დაავადებათა დაახლოებით მესამედი, მოდის ზეგანაკვეთურ შრომაზე.
კვლევებით დადგინდა, რომ 55 და მეტი საათიანი სამუშაო კვირა ინსულტის რისკს ზრდის 35%-ით, იშემიური დაავადებით გარდაცვალების რისკს კი 17%-ით. ეს განსაკუთრებით სახიფათოა მამაკაცებისთვის (72%), საშუალო და ხანში შესული ასაკის მშრომელებისათვის.
კორონავირუსის პანდემიამ მნიშვნელოვნად შეცვალა ადამიანების სამუშაო გრაფიკი. კერძოდ, ბევრი გადავიდა დისტანციურ მუშაობაზე, რაც შლის ზღვარს სამსახურსა და სახლს შორის. ფსიქოლოგების აზრით, ამან შეიძლება გამოიწვიოს სტრესის განვითარება, რადგანაც ყველა ვერ ახერხებს ეფექტურად სამუშაოს, დასვენებასა და სახლის საქმეებში გადართვას.