საყურადღებო ნიშნები, რომლებიც B12 ვიტამინის ნაკლებობას გვაუწყებენ
დაბუჟება
ხშირად გრძნობთ „ნემსების ჭხვლეტას“ ხელებში, ფეხებსა და ტერფებში?
დაბუჟებული კიდურები B12-ის ნაკლებობის ერთ-ერთი ნიშანია.
ხშირად გამცივნებთ
ორგანიზმში არასაკმარისი ვიტმინის არსებობა სისხლის წითელი უჯრედების რაოდენობაზე ზემოქმედებს.
შესაბამისად, ორგანიზმში ჟანგბადი სათანადოდ ვერ მოძრაობს. შემცივნება, განსაკუთრებით ხელებსა და ფეხებში, შესაძლოა ორგანიზმში B12-ის დეფიციტით იყოს გამოწვეული.
ნერვული სისტემა
B12-ის ნაკლებობა ხშირად დეპრესიის, დაბნეულობისა და მეხსიერების პრობლემების მიზეზია.
სისუსტე
დაღლილობა და კუნთების სისუსტე. შესაძლოა, მოთენთილობა და სისუსტე მძიმე სამუშაო დღეს დააბრალოთ, თუმცა, თუ მსგავსი შეგრძნება სისტემატურ ხასიათს ღებულობს, მიმართეთ ექიმს.
ენა
გაღიზიანებული ენა, რომელიც შეიძლება გტკიოდეთ კიდევაც. წყლულები ენასა და ღრძილებზე.
ატროფიული გლოსიტი B12-ის დანამატებს მოითხოვს.
ორგანიზმი B12-ის დეფიციტს იშვიათად განიცდის, ვინაიდან აღნიშნულ ვიტამინს ორგანიზმი დიდი ხნის განმავლობაში ინახავს მარაგის სახით.
ის მცენარეულ პროდუქტებში ნაკლებად არის. ამიტომ, ვეგანები და ვეგეტარიანელები სიფრთხილით უნდა მოეკიდონ. მიირთვით კვერცხი, ხორცი,თევზი, მარცვლეული, რომ ორგანიზმს B12 არ მოაკლდეს.
დღიური ნორმა
ამ ვიტამინის დღიური ნორმა 2.4 მიკროგრამია. თუმცა, ზედმეტ დოზირებას შეუძლია გამოიწვიოს შემდეგი გვერდითი მოვლენები:
• თავბრუსხვევა
• თავის ტკივილი
• შფოთვა
• გულისრევა/პირღებინება