ეს თევზი საუკეთესოა გულ-სისხლძარღვთა სისტემისთვის, წნევის რეგულაციისთვის, კარგი მხედველობისთვის - მკურნალი.გე

რუბრიკები

ოჯახის მკურნალის ანონსი

აპრილი 2021

ეს თევზი საუკეთესოა გულ-სისხლძარღვთა სისტემისთვის, წნევის რეგულაციისთვის, კარგი მხედველობისთვის

ეს თევზი საუკეთესოა გულ-სისხლძარღვთა სისტემისთვის, წნევის რეგულაციისთვის, კარგი მხედველობისთვის
მსოფლიო ჯანდაცვის ორგანიზაციის რეკომენდაციით, ადამიანმა თევზი კვირაში ორჯერ უნდა მიიღოს. ეს ეხება როგორც ბავშვს, ისე ზრდასრულს. მიუხედავად იმისა, რომ საქართველო ზღვიანი ქვეყანაა, ჩვენთან თევზი სათანადოდ პოპულარული საკვები არ არის.

ფართო საზოგადოებაში თევზის მხოლოდ რამდენიმე ძირითადი სახეობაა მიღებული და მასაც არც თუ ისე ხშირად მიირთმევენ.

ამავდროულად, დაბალია ცნობადობა თინუსის შესახებ, რომელიც მსოფლიოში ყველაზე ჯანსაღ თევზადაა მიჩნეული, რადგან ცილებისა და ომეგა-3 ცხიმოვანი მჟავების ყველაზე დიდი შემცველობით გამოირჩევა.ამ დადებით მახასიათებლებს ემატება ისიც, რომ თინუსის თევზში ყველაზე მცირე რაოდენობის ნაჯერი ცხიმებია, რაც სიჯანსაღეს განსაზღვრავს და
დაბალკალორიულობის გარანტიას ქმნის.

ცხოველური ცილის მიღების საუკეთესო წყაროდ თავისუფლად შეგვიძლია თინუსი მივიჩნიოთ, რადგან მისი 25% სწორედ ცხოველური ცილაა.


რისთვის არის სასარგებლო თინუსი? ამ კითხვაზე მოკლე პასუხია - ყველაფრისთვის. უფრო ვრცლად კი: გული-სისხლ-ძარღვთა სისტემისთვის, წნევის რეგულაციისთვის, კარგი მხედველობისთვის, ადეკვატური და სრულფასოვანი ზრდა-განვითარებისთვის, წონის კლებისთვის, ძლიერი იმუნიტეტისთვის,
საჭირო ენერგიის გამომუშავებისთვის, კიბოს პრევენციისთვის, დეპრესიასთან ბრძოლისთვის...


ახლა კი უფრო დეტალურად გაგაცნობთ თინუსის სასარგებლო თვისებების შესახებ:


გულ-სისხლ-ძარღვთა მოწესრიგებული სისტემა


მეცნიერული კვლევებით დადასტურებულია, რომ მინიმუმ ორი პორცია თევზის მირთმევა კვირის განმავლობაში 36%-ით ამცირებს გულის დაავადებათა რისკს. თევზში შემავალი ომეგა-3 ცხიმოვანი მჟავის თვისებაა, დაარეგულიროს სისხლის მოძრაობის სიჩქარე და შეამციროს არტერიული წნევა.

ამერიკელ კარდიოლოგთა ასოციაციის მიერ განხორციელებული კვლევები ამტკიცებენ, რომ ომეგა-3 ს შეუძლია მოაწესრიგოს გულის დარღვეული რიტმულობა ანუ უმკურნალოს არითმიას.


კარგი მხედველობა


ზოგადად, თევზი კარგი მხედველობისთვის საჭირო ერთ-ერთი აუცილებელი პროდუქტია. კონკრეტულად თინუსის შემადგენლობაში შემავალი ნივთიერებები კი თვალის პრობლემების პრევენციის საუკეთესო გზაა. ის ასაკის მატებასთან ერთად მხედველობის დაქვეითებისგან თავის დაცვაში დაგეხმარებათ.

mkurnali.ge

ადეკვატური ზრდა-განვითარება


თინუსი განსაკუთრებით დიდი რაოდენობით პროტეინს შეიცავს. პროტეინები კი სხეულის საშენი მასალაა, რომელიც უზრუნველყოფს ადეკვატურ ზრდას, ჭრილობების სწრაფად მოშუშებას, მალე გამოჯანმრთელებას, მეტაბოლურ წესრიგს, ჯანმრთელ კუნთოვან სხეულს.


წონის კლება

მიუხედავად იმისა, რომ თინუსი ცხიმოვანი პროდუქტების კატეგორიას განეკუთვნება, ის საკმაოდ დაბალკალორიული საკვებია და დიდი რაოდენობით სასარგებლო პროტეინს შეიცავს. ომეგა 3 ასტიმულირებს ჰორმონ ლეპტინს, რომელიც მადას აბალანსებს. სწორედ ამიტომ თინუსი წონის რეგულირებაში დაგეხმარებათ.


mkurnali.ge


ძლიერი იმუნიტეტი


თინუსი შეიცავს ვიტამინ C-ს, თუთიასა და მაგნიუმს, რომლებიც ძლიერი ანტიოქსიდანტები არიან. ანტიოქსიდანტები კი ორგანიზმის დამცავ მექანიზმს წარმოადგენენ მავნე თავისუფალი რადიკალების წინააღმდეგ. გარდა ამისა, მას ანთებასთან ბრძოლის უნარიც აქვს და ორგანიზმს ისეთი ანთებითი დაავადებების წინააღმდეგ ბრძოლაში ეხმარება, როგორიცაა ართრიტი. ეს ყველაფერი საბოლოოდ ძლიერ იმუნიტეტსა და ორგანიზმს განაპირობებს.



ძლიერი ანტიდეპრესანტი

კვლევების თანახმად, დეპრესიის რისკი მაღალია ისეთ ქვეყნებში, სადაც მოსახლეობის უმრავლესობას ერითროციტებში შემავალი ომეგა-3 ცხიმოვანი მჟავების რაოდენობა საშუალოზე დაბალი აქვს. დეპრესიული ადამიანების რაოდენობა ძალიან მცირეა ქვეყნებში, სადაც თევზს ინტენსიურად მოიხმარენ, რადგან ის დიდი რაოდენობით ომეგა 3-ს შეიცავს. თევზის მინერალური შემადგენლობა ხელს უწყობს ადამიანის აქტიურ გონებრივ და ფიზიკურ მუშაობას და ამავდროულად კარგ გუნება-განწყობილებას განაპირობებს.


mkurnali.ge


თინუსის სასარგებლო თვისებების მაქსიმუმის მისაღებად საჭიროა, რომ სანდო მწარმოებელი და ხარისხიანი პროდუქტი შეარჩიოთ.

საქართველოში თინუსის წარმოება არ ხდება, თუმცა ბაზარზე რამდენიმე ბრენდის მიერ წარმოებული თინუსია ხელმისაწვდომი. აღსანიშნავია ისიც, რომ საქართველოში თინუსის მსოფლიოში ნომერ პირველი მწარმოებლის „დარდანელის“ პროდუქციაც იყიდება.

ბრენდის მთავარი უპირატესობა ისაა, რომ მისი მოპოვება ატლანტის ოკეანის ღრმა წყლებში ხდება. შედარებით მაღალ წყლებში დაჭერილი თინუსისგან განსხვავებით, ის სწორედ იმ რაოდენობის ვერცხლისწყალსა და რკინებს შეიცავს, რამდენიც ჯანმრთელობისთვის სასარგებლოა.

„დარდანელი“ უმაღლესი ხარისხის თურქული ბრენდია, რომელმაც თინუსის დამზადების ტრადიცია ესპანეთიდან შემოიტანა და გემოთა თურქული მრავალფეროვნება შემატა.

თინუსის გამოყენებით შეგიძლიათ გააკეთოთ მრავალფეროვანი სალათები და სენდვიჩები, ასევე ძალიან უხდება პასტას.


ამ ავტორის სხვა სტატიები
გააკეთეთ კომენტარი
თარიღი : 18-04-2021
ლუკა
თინუსი შეიცავს დიდი რაოდენობით ვერცხლისწყალს. მისი ხშირი მოხმარება არ არის რეკომენდირებული. ფეხმძიმე ქალები უნდა ერიდონ თინუსით კვებას. თინუსის კონსერვებში ხშირად დელფინის ხორცს ურევენ. საქართველოს მდინარეებს მივხედოთ და ადგილობრივი ბუნებრივი თევზი დავაბრუნოთ მდინარეებში, ტბებში და ზღვაში და იმით ვიკვებოთ ხალხო! რომ გადავაქციეთ მდინარეები და ზღვა კანალიზაციის ორმოებათ!
თარიღი : 16-04-2021
ვასო
"ბრენდის მთავარი უპირატესობა ისაა, რომ მისი მოპოვება ატლანტის ოკეანის ღრმა წყლებში ხდება. " თვითონ კითხულობენ რას წერენ? ამდენი ოროსანი ვაიჟურნალისტი როგორ მოგროვდა ...
თარიღი : 16-04-2021
სუს
ეგ კარგი ინფორმაციაა,მაგრამ სად ვიყიდოᲗ Თინუსი ეგ უფრო ვვაინტერესებს. ევროპროდუქტის ქსელᲨი არის კონსერვის სახიᲗ Ძააან გემრიელია მაგრამ 150 გრამი კონსერვი 15 ლარი Ღის რამდენმა უნდა Ჭამოს 150 გრამი?
თარიღი : 16-04-2021
A.A
რატომ არაა სადმე მითითებული, რომ სტატია სარეკლამო მასალას შეიცავს?!
თარიღი : 15-04-2021
ნუნუ
კარგია, მაგრამ ძვირია
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
გერმანიის რისკების შემფასებელმა ფედერალურმა ინსტიტუტმა გაანალიზა 36 ვეგანისა და 36 პირის (იღებდნენ შერეულ საკვებს) ძვლების მდგომარეობა.
ბირმინგემის უნივერსიტეტის მეცნიერები, სტრესის გადატანისას, გვირჩევენ კაკაოს დალევას
კატეგორიის სხვა სტატიები
არც რვა და არც ოთხი ჭიქა არ დაუწესებია არავის ნორმად. სვამთ იმდენ სითხეს, რამდენიც თქვენს ორგანიზმს ესაჭიროება.
21-ე საუკუნე მეტაბოლური დაავადებების საუკუნეა - სიმსუქნე, შაქრიანი დიაბეტი, გულისა და სისხლძარღვების დაავადებები,
ბუნების "საჩუქარი" - ბუნებრივი საშუალებები, რომლებსაც ანტითრომბული და სისხლის გამათხელებელი თვისებები აქვს.
კალიფორნიის უნივერსიტეტის კვლევებმა აჩვენა, რომ დეპრესიული მოშლილობის მქონე ადამიანებში
ალკოჰოლი, თამბაქო, დარღვეული ძილის რეჟიმი, დიდხანს ფეხზე დგომა, მარილიანი საკვები - შეშუპების მიზეზებია. როგორ ვუმკურნალოთ?
ედინბურგის უნივერსიტეტის პალიატიური დახმარების ექიმის დევიდ ჯეფრის აზრით,
„სმარტფარმთან“ ინეტერვიუში ალერგიულ რინიტზე საუბრობს ბაია ბეზარაშვილი - ალერგოლოგ-იმუნოლოგი, მედიცინის მეცნიერებათა დოქტორი, პროფესორი.
ისრაელში მასობრივი ვაქცინაცია დეკემბრის ბოლოდან დაიწყო. ვნახოთ, რა გვაჩვენა
Los Angeles Lakers-ის ერთ-ერთი მფლობელი, ექიმი პატრიკ სუნ-შიონგი მუშაობს კორონავირუსის საწინააღმდეგო ორალურ ვაქცინაზე,
ზოგიერთი პროდუქტი, რომელზეც არის ობის სოკო, განსაკუთრებით საშიშია.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად