რა არის „ კორონასომნია“ და როგორ ვმართოთ დარღვეული ძილის რეჟიმი
ბოლო ერთ წელიწადში, მსოფლიოში 20 %-ით გაიზარდა იმ ფარმაცევტული მედიკამენტების მოხმარება, რომელსაც რეცეპტი სჭირდება.
ბოლო წელი ნამდვილად სტრესული იყო ყველასთვის, სწორედ ეს არის უძილობის ერთ-ერთი რიკ-ფაქტორი, რაც მომავალში ძილის დარღვევებით შეიძლება გამოვლინდეს.
სტრესი ჰორმონ კორტიზოლისა და ადრენალინის გამოყოფას აძლიერებს, რაც გულისცემის გახშირებას და არტერიული წნევის ზრდას იწვევს.
შესაბამისად, ორგანიზმი საბრძოლო მდგომარეობაშია და ძილის უნარს კარგავს.
ქრონიკული სტრესის გარდა, ძილის რეჟიმზე უამრავმა ფაქტორმა იმოქმედა, მათ შორის:
• არათანმიმდევრული გრაფიკი სამსახურში
• დისტანციური მუშაობა
• ბავშვების სახლიდან სწავლება
• ფინანსური დანაკარგები
• ზოგმა სამსახურიც დაკარგა
• სახლში მყოფები უფრო დიდ დროს უთმობდით კომპიუტერისა და გაჯეტების ეკრანს.
პანდემიური სტრესისგან დასაცავად, დროის გასაყვანად, სულ უფრო და უფრო მეტი ბავშვი, მოზარდი და არამარტო ისინი - მიეჯაჭვნენ კომპიუტერის ეკრანებს - გვიანობამდე ფილმებს, სერიალებსა თუ სატელევიზიო პროგრამებს უყურებდნენ.
ჩვენი ჩვევები და რუტინა, რაც მანამდე გვქონდა, შეიცვალა, რამაც თავისებურად ძილის რეჟიმზეც იქონია ზეგავლენა.
იმისათვის, რომ კორონა პანდემიის დროს დარღვეული ძილის რეჟიმი აღიდგინოთ, გირჩევთ:
• გაამდიდრეთ თქვენი კვების რაციონი მაგნიუმით. ის ამციებს სტრესს და ძილსაც დაგირეგულირებთ.
მიირთვით მუქი ფოთლოვანი მწვანილი, თხილი, ავოკადო, შავი შოკოლადი.
• მოერიდეთ ალკოჰოლს. ის შეიძლება გადუნებდეთ და გეხმარებოდეთ ჩაძინებაში, თუმცა მხოლოდ ძილის პირველ ნახევარში დაგეხმარებათ.
მეორე ნახევარში, შესაძლებელია, გამოგეღვიძოთ, ის ღამით მოშარდვასაც უწყობს ხელს.
• ამოიღეთ რაციონიდან, 2 საათის შემდეგ, კოფეინი.
• დაძინებამდე ერთი საათით ადრე ყველა ელექტრონული მოწყობილობა გამორთეთ.
• ძილის წინ მოდუნდით. ამაში დაგეხმარებათ ცხელი აბაზანა, წყნარი მუსიკა, კითხვა და სხვ. გამოყავით 1 საათი - დრო საკუთარი თავისთვის დაძინებამდე, ამ პერიოდში ოჯახის წევრებს ნაკლებად ეკონტაქტეთ და შეტყობინებებსაც არ უპასუხოთ.
• მოერიდეთ ცისფერ შუქს ძილის წინ. ის ტვინში მელატონინის გამომუშავებას აფერხებს, რაც ძილის დარღვევებით ვლინდება.