ჭარბი წონა კრიტიკულად საშიშია გოგონებისთვის

აშშ-ს ეკოლოგიური მედიცინის ნაციონალურ უნივერსტიტეტში დაადგინეს, რომ სიმსუქნე პირდაპირ ზემოქმედებას ახდენს გოგონების მომწიფებაზე. ჩატარებული კვლევები აჩვენებენ, რომ ჭარბი წონის მქონე გოგონებში სქესობრივი მომწიფება და პირველი მენსტრუაცია უფრო ადრე აღინიშნება, ვიდრე ნორმალური წონის გოგონებში.

ამერიკელი მეცნიერების ბოლო კვლევებმა აჩვენა, რომ გოგონებს ორგანიზმში ცხიმის ჭარბი შემცველობის პირობებში, სქესობრივი მომწიფების პერიოდის შუა და ბოლო მონაკვეთში აღენიშნებოდათ ზოგიერთი რეპროდუქციული ჰორმონის, მათ შორის ფოლიკულომასტიმულირებელი ჰორმონის, ინჰიბინ B და მამაკაცის ჰორმონ ტესტოსტერონის მაღალი დნე.

ჭარბი წონის მქონე ზოგიერთ გოგონას შემთხვევაში ტესტოსტერონის მაღალი დონე დაკავშირებული იყო არარეგულარულ მენსტრუალურ ციკლთან, აკნესთან და სხეულზე ჭარბთმიანობასთან. ამასთან სქესობრივი მომწიფების ბოლო პერიოდში, ჭარბი წონის ფონზე, ფიქსირდებოდა მკერდის განვითარების შეფერხება და მენსტრუაციის ნაადრევად დაწყება.

ოთხწლიანი კვლევის შედეგად, რომლის ფარგლებშიდაც აკვირდებოდნენ 8-15 წლის 90 გოგონას, დადგინდა, რომ საკვერცხეების მომწიფებასა და საშვილოსნოს მდგომარეობაზე ჭარბი წონა გავლენას არ ახდენდა. 36 გოგონას აღენიშნებოდა სიმსუქნე, ხოლო 54-ს ჰქონდა ნორმალური წონა.