ინტერნეტის აქტიური მოხმარებისას განტვირთვა აუცილებელია
ადამიანები უფრო მეტ დროს ატარებენ კომპიუტერის, პლანშეტისა და ტელეფონის ეკრანთან. ექსპერტები კი გვაფრთხილებენ ემოციური გამოფიტვისა და "გადაწვის" მომატებულ რისკზე. ა.შ.შ-ს დიდი ბრიტანეთისა და ლიბანის მეცნიერების ჯგუფი გვირჩევს, როგორ აღვუდგეთ წინ ამ უარყოფით ეფექტებს.
პირველ რიგში ისინი, საზოგადოების ინფორმირებულობის მიზნით, მოუწოდებენ მასობრივი ინფორმაციის საშუალებებს აქტიურად გაავრცელონ ინფორმაცია პანდემიასთან დაკავშირებულ სტრესსა და გადაღლაზე. ანალოგიური ფუნქცია უნდა შეასრულონ ახალგაზრდებში პოპულარულმა ტელეწამყვანებმა, კინოვარსკვლავებმა, სპორცმენებმა. ეს ახალგაზრებს დაეხმარება გაჯეტების მიმართ სწორი დამოკიდებულების ჩამოყალიბებაში.
ექსპერტები ასევე გვირჩევენ ხშირად გავაკეთოთ მუშაობის, ონლაინ-ლექციებსა და კონფერენციებისას შესვენება. წინააღმდეგ შემთხვევაში გაიზრდება თვალზე დატვირთვა და თვალის დაავადებების განვითარების რისკი. ამ მიზნით შემეცნებითი აუდიოკონტენტი (პოდკასტები) შეიძლება შესანიშნავი ალტერნატივა აღმოჩნდეს.
ძალიან სასარგებლოა სუნთქვითი ვარჯიში, მედიტაცია ონლაინ სეანსებს შორის. ეს ამცირებს სტრესსა და შფოთვას.
ადამიანებს აუცილებლად უნდა მიეცეთ საკუთარი გრძნობებისა და ფსიქოლოგიური სიძნელეების გაზიარების საშუალება, დროული დახმარების აღმოჩენის მიზნით.