ჭარბი შაქარი ნაწლავის ფლორას ანადგურებს
დაადგინეს, რომ შაქრის მაღალი შემცველობის მქონე საკვები იწვევს ნაწლავის მიკროფლორის დარღვევას. სწორედ ამით აიხსნება, თუ რატომ ზრდის დასავლური დიეტა ნაწლავის ანთებითი დაავადებების, მათ შორის კრონის დაავადებისა და წყლულოვანი კოლიტის რისკს. აღმოჩნდა, რომ მღრღნელებს, რომლებიც იკვებებოდნენ ტკბილი პროდუქტებით, უფრო ხშირად უვითარდებოდათ მსხვილი ნაწლავის ანთება.
ნაწლავის ანთება შაქრის მაღალი შემცველობის მქონე რაციონზე გადასვლიდან უკვე სამი დღის შემდეგ ვლინდებოდა. უფრო დეტალურმა კვლევამ გამოავლინა ნაწლავის მიკროფლორის ცვლილებები. ეს ცვლილება პირველ რიგში ხდებოდა Akkermansia muciniphila პოპულაციის ხარჯზე.
აღნიშნული ბაქტერიები შლიან ნაწლავის ეპითელური უჯრედების მიერ გამოყოფილ ლორწოში არსებულ გლიკოპროტეინებს. აქამდე მიაჩნდათ, რომ ამ ბაქტერიებს ანთების საწინააღმდეგო ეფექტი ჰქონდათ. თუმცა
Akkermansia muciniphila შლიდა ნაწლავის შიგნითა კედლის ამომფენ ლორწოს დამცავ შრეს, რაც ნაწლავს სხვა ბაქტერიების მიმრთ დაუცველს ხდიდა. ეს კი მსხვილი ნაწლავის ანთებას იწვევდა.