კონტრასტული შხაპი აუმჯობესებს ჯანმრთელობის მდგომარეობას
ცივი წყლის გადავლებისას ხდება ორგანიზმის "გადატვირთვა", რომელიც აფხიზლებს მას და ასტიმულირებს ენდორფინების გამოსროლას.
ამგვარი ზემოქმედების შედეგად ორგანიზმი უფრო ამტანი, შრომისუნარიანი ხდება, ძლიერდება იმუნიტეტი, ვარჯიშდება სისხლძარღვები. მნიშვნელოვანია აღინიშნოს, რომ გაკაჟება სასარგებლოა ამ პროცედურის სწორი და რეგულარული ჩატარებისას. გაკაჟება არ უნდა დავიწყოთ დაბალი ტემპერატურით, საკმარისია დავიწყოთ კონტრასტული შხაპით.
უნდა გვახსოვდეს, რომ გადაციება ძალიან საშიშია. პროცედურის შემდეგ მაშინვე დაიზილეთ სხეული მშრალი პირსახოცით. საჭიროა ასევე ექიმთან კონსულტაცია. მხოლოდ ის გეტყვით გაკაჟებას გადაიტანს თუ არა თქვენი ორგანიზმი. კონტრასტული შხაპის მიღების უკუჩვენებებია: გულსისხლძარღვთა სისტემის დაავადებები, სასუნთქი გზების პრობლემები, მწვავე რესპირატორული ვირუსული ინფექცია, გაციება და გრიპი.
თუ დაიწყებთ გაკაჟების პროცესს, იყავით თანმიმდევრულები და რეგულარული, წინააღმდეგ შემთხვევაში, ყველაფრის თავიდან დაწყება მოგიწევთ.