ბიორიტმების კვალდაკვალ - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

ბიორიტმების კვალდაკვალ

7.00 - დილა მშვიდობისა, მზეო!

ეს იდეალური დროა გაღვიძებისთვის. თირკმელზედა ჯირკვლები გამოყოფენ ჰორმონების პირველ, დილის ულუფას. სწორედ ის ახდენს გავლენას პულსის გახშირებასა და სისხლის მიმოქცევის აჩქარებაზე. იმისათვის, რომ დილა მართლაც მშვიდობიანი გქონდეთ, დალიეთ ერთი ჭიქა თბილი წყალი. ეს კუჭ-ნაწლავის მუშაობას გაგიუმჯობესებთ.

7.30 - ვარჯიშის დროა!

მცირე გასეირნების, გარბენის ან ვარჯიშის წყალობით დილიდანვე მიიღებთ ენერგიას, რომელიც მთელი დღის განმავლობაში აქტიურობისთვის არის საჭირო.

8.00-9.00 - ვსაუზმობთ

კუჭი აქტიურობის მწვერვალზეა, ამიტომ საკვები სწრაფად გადამუშავდება და ორგანიზმი მაქსიმალური ოდენობის ენერგიას იღებს, რაც ასე საჭიროა ცხოვრების აქტიური წესის შესანარჩუნებლად. უმჯობესია, საუზმეზე მიირთვათ შვრიის ფაფა, ხილი, იოგურტი, ერთი ნაჭერი დაღერღილი მარცვლეულის პური, ყავის ნაცვლად - მწვანე ჩაი.

12.00 - შემოქმედებითი აღტყინება

გულის კუნთისთვის ეს ნამდვილი ვარსკვლავიერი საათია. ამ პერიოდში თქვენი "ცეცხლოვანი ძრავა" სრული დატვირთვით მუშაობს, ამიტომ ზედმეტად ნუ გადატვირთავთ. კარგი იქნება, თუ უარს იტყვით ყავასა და შოკოლადზე. ქრონობიოლოგები გვირჩევენ, ეს დრო ინტელექტუალურ სამუშაოს დავუთმოთ. სპეციალისტები გვარწმუნებენ, რომ ადამიანს ამ დროს ყველაზე რთული ამოცანების გადაწყვეტა შეუძლია. ორიგინალური იდეებიც მრავლად ექნება.

13.00 - სადილის დროა

სასურველია, სადილი ცილებითა და რთული ნახშირწყლებით იყოს მდიდარი. დესერტად შეგიძლიათ მწარე შოკოლადიც დააყოლოთ. სადილის შემდეგ მაშინვე საქმეს ნუ შეუდგებით. ამ დროს ბიორიტმები სუსტდება, ორგანიზმს დასვენება სჭირდება. თავს ძალას ნუ დაატანთ, შრომას ეფექტი არ ექნება.

14.00 - ვიზიტები

შუადღისას ტკივილის შეგრძნება შემცირებულია, ანესთეტიკებიც ორჯერ უფრო ეფექტურად მოქმედებს, ვიდრე დილით და საღამოს, ასე რომ, კარგი იქნება, თუ ამ დროისთვის დაგეგმავთ ვიზიტს, მაგალითად, სტომატოლოგთან.

15.00-16.00 - ვეშვებით

ამ დროს გული "თვლემს", ტვინსა და შინაგან ორგანოებში, გარდა კუჭისა, სისხლის მიმოქცევა შენელებულია, ამიტომ მუშაობის სურვილი არ გაქვთ, თვალის მოტყუებაზე კი უარს ნამდვილად არ იტყოდით. თუ ამას ვერ მოახერხებთ, ისეთ საქმეს მაინც მოჰკიდეთ ხელი, რომელიც ინტელექტუალურ ძალისხმევას არ მოითხოვს. მაგალითად, დაალაგეთ სამუშაო მაგიდა.

17.00 - მეორე სუნთქვა იხსნება

ენერგეტიკული დაღმასვლა წყდება. იგრძნობა სასიცოცხლო ძალების მომატება. ტონუსის მოსამატებლად ნებადართულია შავი ყავის ან რამდენიმე ულუფა მწარე შოკოლადის მიღება.

18.00-19.00 - სოლარიუმი და მასაჟი

სამუშაო დღის შემდეგ ორგანიზმს მოდუნება სჭირდება. მასაჟისთვის ეს იდეალური დროა. მასაჟი გააძლიერებს სისხლის ცირკულაციას, მოხსნის კუნთთა დაძაბულობას და საშუალებას მოგცემთ, სრულიად მოდუნდეთ. შესანიშნავი გაგრძელება იქნება სოლარიუმი. კანი ამ დროს უფრო სწრაფად გაირუჯება, ხოლო სითბო დაგამშვიდებთ და განწყობას გამოგიკეთებთ.

20.30 - მასკარადის დროც დადგა

ის დროა, კანს მიხედოთ. თავდაპირველად ზედმიწევნით კარგად გაიწმინდეთ, შემდეგ კი მკვებავი ნიღაბი გაიკეთეთ. ფორები ღრუბელივით იწოვენ ფერმენტებს, რის შედეგადაც კანი ღამის განმავლობაში ისვენებს და აღდგება. ექსტრარეცეპტი: აურიეთ ერთმანეთში ერთი ჩაის კოვზი თაფლი, ზეითუნის ზეთი და თქვენი სახის კრემი და სქლად წაისვით სახეზე. ეს ნიღაბი გაიჩერეთ არანაკლებ 20 წუთისა. შემდეგ ჩამოიბანეთ თბილი წყლით.

22.00-23.00 - ტკბილი სიზმრები

ძალების აღდგენისთვის ორგანიზმს სჭირდება არანაკლებ შვიდსაათიანი ღრმა და სრულფასოვანი ძილი. დაწოლამდე გაანიავეთ საძინებელი, ნელ-ნელა დალიეთ ერთი ჭიქა თაფლიანი რძე.