ყავა დაბერების საწინააღმდეგო იდეალურ სასმელად აღიარეს
ყოველი დღე დავიწყოთ ფინჯანი ყავით. კოფეინი დადებითად მოქმედებს თავის ტვინზე, აქვეითებს კოგნიტიური ასაკობრივი დარღვევების განვითარების რისკს.
კვლევამ აჩვენა, რომ ტვინში მოქმედებს განსაკუთრებული, დაბერებისთვის მნიშვნელოვანი რეცეპტორი. ადენოზინური А2А- რეცეპტორების ანომალური ექსპრესია, როგორც აღმოჩნდა, პრობლემებს უქმნიდა საცდელი ცხოველების მეხსიერებას. აღნიშნული რეცეპტორები, გარდა ადენოზინისა, რეაგირებენ კოფეინზე. ყავის ნაერთები ბლოკავენ А2А რეცეპტორებს და ტვინს აბრუნებენ ნორმალური მუშაობის რეჟიმში.
ეს ტვინის აქტიური დაბერების დამუხრუჭების საშუალებას იძლევა. კოფეინი ასევე ხელს უშლის ნაღვლის ბუშტში კენჭების წარმოქმნას, აქვეითებს ღვიძლის ფიბროზისა და ციროზის რისკს. ამას გარდა, მეცნიერების თქმით, ყავის ყოველდღიური მოხმარება ამცირებს ღვიძლის კიბოს რისკს. სპეციალისტები აღნიშნავენ, რომ ყავა უნდა მივიღოთ შაქრისა და ნაღების გარეშე.