რა უშლის ხელს ვიტამინების შეწოვას
კრუნჩხვების საწინააღმდეგო პრეპარატები აფერხებენ ფოლიუმის მჟავას შეწოვას. საფაღარათო საშუალებები, რომელთა შემადგენლობაშიც შედის მინერალური ზეთები, ასევე ქოლესტერინის დონის დამაქვეითებელი პრეპარატები ხელს უშლიან A, D და E ვიტამინების შეწოვას. ჩასახვის საწინააღმდეგო პრეპარატები იგივე ორალური კონტრაცეპტივები (უფრო ზუსტად მათში შემავალი ესტროგენები) არღვევენ B6, E ვიტამინებისა და ფოლიუმის მჟავას შეთვისებას.
ზოგიერთი ვიტამინის შეწოვაზე უარყოფით გავლენას ახდენს გარკვეული დაავადებებიც. თუ ადამიანს პანკრეასის (კუჭუკანა ჯირკვლის) პრობლემები აქვს, უპირველესად ირღვევა ცხიმში ხსნადი ვიტამინების D, A, და E ვიტამინების შეწოვა. თუ დაქვეითებულია კუჭის წვენის სეკრეცია (გამოყოფა), ორგანიზმი ვერ ითვისებს B ჯგუფის ვიტამინებს, კერძოდ B12 ვიტამინს. ამაზე განსაკუთრებულად ასაკოვნებმა უნდა გაამახვილონ ყურადღება, რადგან ასაკთან ერთად კუჭის წვენის სეკრეცია 12 %-ით ქვეითდება, შესაბამისად, ირღვევა საჭირო ვიტამინების შეწოვა და სხვა პრობლემებსაც ეძლევა დასაბამი.
თინათინ გოცაძე